விஜய் சேதுபதியின் புதிய படத்தை கைப்பற்றிய யு நாட் எக்ஸ் நிறுவனம்!

விஜய் சேதுபதி, சமந்தா ஆகியோர் நடிப்பில் உருவாகி வரும் படம் ‘சூப்பர் டீலக்ஸ்’. இந்தப் படத்தை ‘ஆரண்ய காண்டம்’ படத்தை இயக்கிய இயக்குனர் தியாகராஜன் குமாரராஜா இயக்கியுள்ளார். முதல் படத்துக்கும் இந்தப் படத்துக்கும் உள்ள இடைவெளி 8 ஆண்டுகள்.

இதில் நடிகர் விஜய் சேதுபதி ஷில்பா என்கிற திருநங்கை கதாபாத்திரத்தில் நடித்துள்ளார். மேலும் இந்தப் படத்தில் பகத் பாசில், சமந்தா, ரம்யா கிருஷ்ணன், மிஷ்கின், பகவதி பெருமாள் உள்ளிட்ட பலர் நடித்துள்ளனர். படப்பிடிப்பு முடிந்து படத்தின் பின்னணி வேலைகள் விறுவிறுப்பாக நடந்து வருகிறது.

இந்நிலையில், இந்தப் படத்தின் விநியோக உரிமையை ஒய் நாட் ஸ்டூடியோஸின் சசிகாந்த் யு நாட்எக்ஸ் என்ற நிறுவனத்தின் மூலம் கைப்பற்றியுள்ளார். யு நாட்எக்ஸ் வெளியிடும் முதல் படம் ‘சூப்பர் டீலக்ஸ்’ என்பது குறிப்பிடத்தக்கது.