அஜித்தின் அடுத்தப் படத்தைப் தயாரிக்கும் ஜீ ஸ்டூடியோ!

நடிகர் அஜித் தற்போது சிவா இயக்கத்தில் ‘விஸ்வாசம்’ படத்தில் நடித்து வருகிறார். இந்தப் படத்தில் நயன்தாரா, அஜித்துக்கு ஜோடியாக நடிக்கிறார். மேலும் படத்தில் விவேக், ரோபோ சங்கர், யோகி பாபு, தம்பி ராமையா உட்பட பலரும் நடிக்கின்றனர். இந்தப் படத்திற்கு முதன்முறையாக டி.இமான் இசையமைக்கிறார். படத்தை சத்யஜோதி பிலிம்ஸ் தயாரித்து வருகிறது. இந்தப் படம் பொங்கல் விடுமுறைக்கு வெளியாகவுள்ளது.

இந்நிலையில் அஜித்தின் அடுத்த படம் குறித்த தகவல்கள் வெளியாகி ரசிகர்களை மேலும் சந்தோஷத்தில் ஆழ்த்தியுள்ளது. அஜித்தின் அடுத்த படத்தை, மறைந்த ஸ்ரீதேவியின் கணவர் போனி கபூருடன், ஜீ ஸ்டூடியோ நிறுவனமும் இணைந்து தயாரிக்கவுள்ளது.