வலிமைக்கு போராடி அப்டேட் பெற்ற அஜித் ரசிகர்கள், ஆனா அவருக்கு வருத்தம்பா...

ஹெச். வினோத் இயக்கத்தில் அஜித் நடித்து வரும் வலிமை படம் குறித்து அப்டேட்டே தருவது இல்லை. இதனால் அஜித் ரசிகர்கள் கவலை மற்றும் கோபத்தில் இருக்கிறார்கள். தயாரிப்பாளர் போனி கபூரிடம் அப்டேட் கேட்டு தினமும் ட்வீட் செய்கிறார்கள்.


அவர் அதை எல்லாம் கண்டு கொள்வதே இல்லை. இதையடுத்து படத்திற்கு கொஞ்சமும் தொடர்பே இல்லாதவர்களிடம் எல்லாம் அப்டேட் கேட்டு வருகிறார்கள். தமிழக முதல்வர் எடப்பாடி பழனிசாமியிடம் இரண்டு முறை அப்டேட் கேட்டுவிட்டனர்.


இந்த நிலையில் மௌனம் கலைத்த போனி கபூர் வலிமை ஃபர்ஸ்ட் லுக் விரைவில் வரும் என்று இன்று ட்வீட் செய்தார். இந்நிலையில் அஜித் அறிக்கை ஒன்றை வெளியிட்டிருக்கிறார்.


அந்த அறிவிப்பில், ''என் மீதும் என் படங்களின் மீதும் அபரிதமான அன்புக் கொண்டிருக்கும் எதையும் எதிர்பாராத அன்பு செலுத்தும் என் உண்மையான ரசிகர்களுக்கும், மக்களுக்கும் என் மனமார்ந்த வணக்கம்.


கடந்த சில நாட்களாக என் ரசிகர்கள் என்ற பெயரில் நான் நடித்து இருக்கும் வலிமை சம்பந்தப்பட்ட அப்டேட்ஸ் கேட்டு அரசு, அரசியல், விளையாட்டு மற்றும் பல்வேறு இடங்களில் சிலர் செய்து வரும் செயல்கள் என்னை வருத்தமுற செய்கிறது.


முன்னரே அறிவித்தபடி படம் குறித்த செய்திகள் உரிய நேரத்தில் வரும். அதற்கான காலத்தை, நேரத்தை நான் தயாரிப்பாளருடன் ஒருங்கிணைந்து நிர்ணயம் செய்வேன். அதுவரை பொறுமையுடன் காத்திருக்கவும். உங்களுக்கு சினிமா ஒரு பொழுதுபோக்கு மட்டுமே, எனக்கு சினிமா ஒரு தொழில்'' என கூறியுள்ளார்.


ஒருபக்கம் வலிமை படத்தின் அப்டேட் கிடைத்து ரசிகர்கள் குஷியில் இருந்தாலும், அவரது சிலர் ரசிகர்கள் செய்த நடவடிக்கைகள் அஜித்தை தர்ம சங்கடத்தில் இல்லை, வருத்தப்பட செய்துள்ளது.