ttf vasan தெரியுமா? கலக்கல் மீம்!

டிடிடிஎஃப் வாசன் என்ற பெயர் கடந்த ஒரு வாரமாக சமூக வலைத்தளங்களில் வைரலாகி வருகிறது. இவரை யார் என்று பலருக்கும் தெரியவில்லை. ஆனால், அவ்வாறு கேட்பவர்கள் கடுமையான விமர்சனத்துக்கு ஆளாகின்றனர். Twin Throttlers என்ற யூடியூப் சேனலை நடத்தி வரும் அவர், தன்னை பின் தொடர்பவர்களை டிடிஎஃப் என அழைக்கிறார். அதாவது ‘Twin Throttlers Family' என்பதே அதன் அர்த்தமாகும். பைக்கில் நெடும்பயணம் செய்து அதை வீடியோவாக தனது யூடியூப் சேனலில் பதிவிட்டு வருகிறார்.

கடந்த ஜூன் 30-ம் தேதி வாசன் தன் பிறந்தநாளை தன்னுடைய டிவின் திராட்டிலர் குடும்பத்தோடு கொண்டாடலாம் என முடிவெடுத்து கோவையில் ஒரு சந்திப்பை (Meet up) ஏற்பாடு செய்தார். அவரே எதிர்பார்க்காத வண்ணம் ஆயிரக்கணக்கானவர்கள் அந்த சந்திப்பில் கூடியது தான் வைரலுக்கு காரணம். இவர் பற்றிய மீம்கள் தற்போது சமூக வலைதளங்களில் வைரலாகி வருகிறது.