Jio Big Screen Smartphones: குறைந்த விலையில் பெரிய திரை கொண்ட ஸ்மார்போன்கள் : ஜியோவின் அடுத்த அதிரடி திட்டம்

பெரும்பாலான மக்கள் ஜியோ தொலை தொடர்பு நிறுவனத்தை பயன்படுத்தும் வகையில், பட்ஜெட் விலையில் ஜியோ போன்களை உற்பத்தி செய்ய புதிய பேச்சுவார்த்தை நடைப்பெற்று வருவதாக தகவல்கள் தெரிவிக்கின்றன.

ஜியோ தொலை தொடர்பு நிறுவனம் தொடங்கப் பட்டது முதல் மற்ற தொலை தொடர்பு நிறுவனங்கள் ஆட்டம் கண்டு வருகின்றன. தற்போது 47 சதவீத மக்கள் ஜியோ சேவையைப் பயன்படுத்தி வருகின்றனர். இந்நிலையில் தற்போது மேலும் தன் வளர்ச்சியை கூட்டும் பொருட்டு, குறைந்த விலையில் பெரிய ஸ்கிரீன் கொண்ட பீச்சர் ஸ்மார்ட்போன்களை உருவாக்க ஜியோ யோசனையில் இறங்கியுள்ளது.


அதிகளவில் பட்ஜெட் போன்களை தயாரிக்க அமெரிக்காவை சேர்ந்த ஃபிளெக்ஸ் நிறுவனத்துடன் ஜியோ நிறுவனம் பேச்சு வார்த்தையில் ஈடுபட்டு வருவதாக கூறப்படுகிறது. இரு நிறுவனங்களும் இணைந்து 10 கோடி ஸ்மார்ட்போன்கள் உற்பத்தி செய்ய இருப்பதால் வரி சலுகை கோர திட்டமிடப்பட்டுள்ளதாக தெரிகிறது.

இதனால் வருங்காலத்தில் ஜியோ போன், தொலைத் தொடர்பு நிறுவனங்கள் மட்டுமல்லாமல் ஸ்மார்ட்போன் தயாரிப்பு நிறுவனங்களுக்கும் கடும் சவால் அளிக்கும் என தெரிகிறது.