நீரிலும் மூழ்காது, உடைத்தாலும் உடையாது

நீரிலும் மூழ்காத உடைத்தாலும் உடையாத புதிய மொபைல் போனை ஏஜிஎம் நிறுவனம் அறிமுகப்படுத்தியுள்ளது.

வாட்டர் புருப், கடினத்தன்மை போன்றவற்றின் அடிப்படையில் ஸ்மார்ட்போன் நிறுவனங்களுக்கிடையே கடும் போட்டி நிலவி வருகிறது.
வாடிக்கையாளர்களும், செல்போனை வாங்கியவுடன் முதல் வேலையாக ஸ்கீரின் பாதுகாப்பிற்காக டெம்பர் கிளாஸ் ஒட்டுவது, தெரியாத்தனமாக கீழே விழுந்தாலும் உடையாமல் இருப்பதற்காக கவர் உள்ளிட்டவற்றை தனியாக செலவு செய்து வருகின்றனர்.

இந்நிலையில், வாடிக்கையாளர்களை திருப்திப்படுத்தும் விதமாக சீனாவின் பிரபல மொபைல் தயாரிப்பு நிறுவனங்களில் ஒன்றான ஏஜிஎம் நிறுவனம், ஏஜிஎம் எக்ஸ் 2 என்ற ஸ்மார்ட் போனை அறிமுகப்படுத்தியுள்ளது.



இந்த ஸ்மார்ட்போன் தண்ணீரில் விழுந்தாலோ, தரையில் விழுந்தாலோ எந்தவிதமான பாதிப்பும் ஏற்படாத அளவுக்கு தயாரிக்கப்பட்டுள்ளது. இதன் தண்ணீரில் போட்டால் கூட, நீரில் மூழ்காமல், மிதந்து கொண்டிருக்கும் என்று அந்நிறுவனம் தெரிவித்துளள்ளது.

மேலும், இதில் 12 எம்.பி டூயல் கேமராவுடன், ஆண்டராய்டு 7.1 நவ்காட் தொழில்நுட்பத்தில் தயாரிக்கப்பட்டுள்ளது.