ஜியோவை காப்பியடித்து, சட்டுனு ஆஃபரை மாற்றிய ஏர்டெல்; ரூ.399 பிளானைப் பாருங்க!

சென்னை: ஏர்டெல் நிறுவனம் ரூ.399 பிளானில் மாற்றம் செய்துள்ளது.

தொலைத்தொடர்பு சந்தையில் அறிமுகம் செய்யப்பட்ட ஜியோ, மிகப்பெரிய புரட்சியை ஏற்படுத்தியது. இலவச வாய்ஸ் கால் மற்றும் டேட்டா சலுகை மூலம் வாடிக்கையாளர்களை தன்வசமாக்கியது.

இதையடுத்து பிற தொலைத்தொடர்பு நிறுவனங்களும் ஆஃபர்களை வாரி வழங்கின. ஜியோ படிப்படியாக கட்டணச் சேவையை அறிமுகப்படுத்தியும், வாடிக்கையாளர்களின் எண்ணிக்கை அதிகரித்த வண்ணமே உள்ளன.

நேற்று முதல் ஜியோவின் அதிரடியான 4 புதிய திட்டங்கள் நடைமுறைக்கு வந்துள்ளன. இந்நிலையில் ஏர்டெல் தனது ரூ.399 பிளானை மாற்றம் செய்துள்ளது.

அதாவது நாள் ஒன்றுக்கு 1 ஜிபி டேட்டா, அளவில்லாத வாய்ஸ் கால், நாள் ஒன்றுக்கு 100 எஸ்.எம்.எஸ் சேவையை 70 நாட்களுக்கு செல்லுபடியாகும் என்று தெரிவித்துள்ளது.

முன்னதாக ஜியோ ரூ.398க்கு 70 நாட்கள் செல்லுபடியாகும் வகையில், மேற்கண்ட அதே சேவையை வழங்கி வருவது குறிப்பிடத்தக்கது.

Airtel updated Rs.399 plan with new offer.