Aero India 2019: தல அஜித் ஆலோசகராக இருக்கும் டீம் தக்‌ஷா குழுவுக்கு தங்கப் பதக்கம்

டீம் தக்‌ஷா குழுவுக்கு தொழில்நுட்ப ஆலோசகராக நடிகர் அஜித் திகழ்கிறார். இந்த குழு பெங்களூரு விமான கண்காட்சி மற்றும் டிரோன் ஒலிம்பிக்கில் 3 பிரிவுகளில் வெற்றி பெற்று சாதனை படைத்துள்ளது.

சென்னை எம்ஐடி கல்லூரியின் இன்ஜினியரிங் மாணவர்கள் டீம் தக்ஷா என்ற குழுவாக இணைந்து ஆளில்லா விமானம் (தக்‌ஷா ட்ரோன்) தயாரிக்கும் பணியில் ஈடுபட்டு வருகின்றனர். இதற்கு தல அஜித் உறுதுணையாக இருந்து வருகிறார். கடந்தாண்டு ஆஸ்திரேலியாவில் நடந்த ஆளில்லா பறக்கும் விமானத்திற்கான போட்டியில் இந்த குழுவினர் கலந்து கொண்டு இரண்டாம் இடம் பெற்றனர் என்பது குறிப்பிடத்தக்கது.

பெங்களூரு விமான கண்காட்சி மற்றும் டிரோன் ஒலிம்பிக் போட்டியில் ஹைபிரிட் கண்காணிப்பு வடிவமைப்பு பிரிவில் (Surveillance: Hybrid Design 4-20 Kg) அஜித்தின் தக்‌ஷா டீம் தங்கப் பதக்கம் வென்று அசத்தியுள்ளது.

அதே போல் Surveillance: Fixed VTOL பிரிவிலும், Flying Formation Challenge பிரிவில் வெள்ளிப்பதக்கம் என மொத்தம் 3 பதக்கங்களை வென்றுள்ளது.

127 பேரில் சாதனை படைத்த தக்‌ஷா குழுவுக்கு நாடு முழுவதிலிருந்து பாராட்டுக்கள் குவிந்து வருகின்றன.