Amazon Alexa வில் ஹிந்தி திணிப்பு! 😆😆🤣🤣

நாம் பேசுவதை கேட்டு அதன்படி தகவல்கள் தரும், அமேசானின் அலெக்ஸா கேட்ஜெட்டில் ஹிந்தி மொழியை உட்புகுத்தப்பட்டு சோதனைகள் நடந்து வருகிறது.

அமேசான் நிறுவனத்தின் பிரத்யேக தயாரிப்புகளில் ஒன்று ‘அலெக்சா’ ஆகும். இதில் சிறிய அளவிலான மைக், ஸ்பீக்கர், லைட், இணையதள இணைப்பு இருக்கும். இதனை நாம் பேசுவதன் மூலம் இயக்க முடியும். ஆங்கிலத்தில் பயனாளர்ள் பேசுவதற்கு ஏற்ப, பாடல்கள் ஒலிக்கச் செய்யும், யாருக்காவது போன் போடச் சொன்னால் அந்த நபருக்கு கால் செய்யும், தினசரி செய்திகள், அலாரம், வானிலை மாற்றங்கள் என பல தகவல்களை அலெக்சா வழங்குகிறது.

உதாரணத்திற்கு ‘அலெக்சா, உலகில் மிக நீளமான நதி என்ன?’ என்று கேட்டால், ‘உலகின் மிக நீளமான நதி நைல்’ என்று பதிலளிக்கும். இதே போல், நமக்குப் பிடித்த பாடல்களை போட சொன்னால் போதும். அலெக்ஸா மறுவிநாடியே அந்த பாடலை ஒலிக்கச் செய்யும். சுருக்கமாக சொல்லப்போனால் குடும்பத்தில் ஒருவர் என்பது போல் அலெக்சா கேட்ஜெட் உள்ளது. அமேசான் ஆன்லைனில் 4 ஆயிரம் ரூபாயிலிருந்து, 8 ஆயிரம் ரூபாய் வரையில் சிறப்பம்சத்திற்கு ஏற்றவாறு அலெக்சா கிடைக்கிறது.

இவ்வளவு சிறப்பு வாய்ந்த அலெக்சாவில் தற்போது ஆங்கில மொழி உட்புகுத்தப்பட்டுள்ளது. இந்த நிலையில், அலெக்சாவில் ஹிந்தி மொழியை சேர்க்கும் முயற்சிகள் நடந்து வருகிறது. விரைவில் தமிழ், தெலுங்கு, மராத்தி, கன்னடா, குஜராத்தி என பல உள்ளூர் மொழிகளும் சேர்க்கப்பட உள்ளது. இண்டரநேஷனல் டேட்டா கார்ப்ரேஷன் நிறுவனத்தின்படி, கடந்த 2018 ஆண்டு 59 சதவீத ஷேர் அமேசான் அலெக்சா பெற்றுள்ளது. இதற்கு அடுத்ததாககூகுள் ஹோம் கேட்ஜெட் 39 சதவீத பங்குகள் உள்ளது.