இன்டெல் ஆப்பிள் கூட்டணியில் 5ஜி ஐபோன்!

இன்டெல் நிறுவனத்துடன் இணைந்து ஆப்பிள் நிறுவனம் தனது 5ஜி மொபைலை களமிறக்க திட்டமிட்டுள்ளது.

ஆப்பிள் நிறுவனத்தின் ஐபோன் 8 மற்றும் ஐபோன் எக்ஸ் ஆகியவை பெரும் வரவேற்பை பெற்றுள்ளன. ஹோம் இல்லாத பெரிய திரையுடன் அட்டகாசமான பல அம்சங்களுடன் இவை அறிமுகமாகியுள்ளன.

அதற்குள் ஆப்பிள் தனது அடுத்த அதிரடி திட்டத்தை தீட்டத் தொடங்கிவிட்டது. அடுத்தபடியாக ஐபோன்களை 5ஜி தொலைத்தொடர்பு சேவையை பயன்படுத்தும் வசதியுடன் அறிமுகம் செய்ய இருக்கிறது.

இதற்காக இன்டெல் நிறுவனத்துடன் ஆப்பிள் கைகோர்க்கிறது. இன்டெல் 5ஜி மோடம் சிப்பை இனி வரும் ஐபோன்களில் பயன்படுத்த முடிவுசெய்துள்ளது. இதற்காக ஆப்பிள் தொழில்நுட்ப வல்லுநர்கள் இன்டெல் வல்லுநர்களுடன் சேர்ந்து வேலையை ஆரம்பித்துவிட்டார்களாம்.



இன்டெல் மற்றும் ஆப்பிள் கூட்டணி ஐபோன்களை அடுத்த கட்ட முன்னேற்றத்துக்கு கொண்டு செல்வதாக அமையும் என்று ஆப்பிள் நிறுவன அதிகாரிகள் கூறுகின்றனர்.