iPhone 11 Launch Date: என்ன விலை? என்னென்ன அம்சங்கள்? எப்போது வெளியாகும்?

ஆப்பிள் நிறுவனம் அதன் பதிவுசெய்யப்பட்ட டெவலப்பர்களான ஏழாவது iOS 13 பீட்டாவை இன்று வெளியிட்டது. இந்த வெளியீட்டின் வழியாக, வரவிருக்கும் ஐபோன் 11 தொடரானது எப்போது அறிமுகமாகும் என்கிற கேள்விக்கான பதிலை ஆப்பிள் நமக்கு வழங்கியுள்ளது.

ஐஓஎஸ் 13 கோட் சார்ந்த ஸ்க்ரீன்ஷாட் ஒன்று வெளியாகியுள்ளது. அதில் செப்டம்பர் 10, செவ்வாய்க்கிழமை என்று குறிப்பிடப்பட்டுள்ளது. சுவாரசியம் என்னவெனில் அந்த ஸ்கிரீன் ஷாட்டில் "ஹோல்ட்ஃபார் ரிலீஸ்" என்றும் குறிப்பிடப்பட்டுள்ளது.

எப்போது அறிமுகம் ஆகலாம்?

ஆக ஆப்பிள் அதன் அடுத்த ஐபோன்களை அறிமுகம் செய்யப்போகும் நாளானது, செப்டம்பர் 20 ஆக இருக்கலாம் என்கிற யூகங்கள் கிளம்பியுள்ளன. கடந்த ஆண்டு, இந்த ஆப்பிள் நிறுவனம் அதன் ஐபோன் நிகழ்வை செப்டம்பர் 12 ஆம் தேதியன்று நடத்தியதை இங்கே நினைவூட்ட விரும்புகிறோம்.



விலை நிர்ணயம் என்னவாக இருக்கும்?

விலை நிர்ணயத்தை பொறுத்தவரை, ஐபோன் எக்ஸ்எஸ் மற்றும் எக்ஸ்எஸ் மேக்ஸ் ஆனது முறையே 999 மற்றும் 1,099 அமெரிக்க டாலர்கள் என்கிற புள்ளியில் இருந்து தொடங்கலாம் என்று எதிர்பார்க்கப்படுகிறது.

அடேங்கப்பா! Samsung Galaxy Note 10 மற்றும் Note 10 Plus-ன் இந்திய விலை என்னெவென்று தெரியுமா?

புதிய ப்ரோ மாடல் வெளியாகலாம்!

முன்னதாக, வெளியாகப்போகும் புதிய ஐபோன்கள் ஆனது iPhone 11, iPhone 11R மற்றும் iPhone 11 Max அல்லது iPhone XI, iPhone XIR மற்றும் iPhone XI Max என்கிற பெயர்களுக்கு பதிலாக ஐபோன் 11, ஐபோன் 11 ஆர் மற்றும் ஐபோன் 11 ப்ரோ என்கிற பெயர்களின் கீழ் வெளியாகலாம் என்கிற தகவல் வெளியானது.

Nokia 7.2 Price: 6ஜிபி ரேம், 48MP கேமரா என மிட்-ரேன்ஜ பிரிவை கலக்கப்போகும் நோக்கியா 7.2!

என்னென்ன அம்சங்களை எதிர்பார்க்கலாம்?

எதிர்பார்க்கப்படும் இதர அம்சங்களை பொறுத்தவரை, ஐபோன் 11, ஐபோன் 11 ஆர் மற்றும் ஐபோன் 11 மேக்ஸ் அல்லது ஐபோன் 11 ப்ரோ ஆகிய மூன்று ஐபோன் மாடல்களும் முறையே 5.8 இன்ச் ஓஎல்இடி டிஸ்ப்ளே, 6.1 இன்ச் எல்சிடி டிஸ்ப்ளே மற்றும் 6.5 இன்ச் ஓஎல்இடி டிஸ்ப்ளேவை கொண்டிருக்கலாம். இது தவிர, ஆப்பிள் தனது ஃபேஸ் ஐடி அம்சத்தை மேம்படுத்தவும், அதன் Lightning port-ஐ அதன் 2019 ஐபோன்களில் தக்கவைக்கவும் வாய்ப்புள்ளது.