இதற்கு காரணம் கொரோனா வைரஸ் அல்ல!
இந்த புதிய விலை உயர்விற்கு காரணம் கொரோனா வைரஸ் என்று நினைத்தால் அது உங்கள் தவறல்ல. ஆனால் இந்த விலை உயர்விற்கான உண்மையான காரணம் 2020 பட்ஜெட்டில் அடிப்படை சுங்க வரி (பி.சி.டி) அதிகரித்ததன் விளைவே ஆகும். இந்தியர்களுக்கான நல்ல செய்தி என்னவென்றால், இந்தியாவில் தயாரித்ததால் ஆப்பிள் ஐபோன் 7 மற்றும் ஐபோன் எக்ஸ்ஆர் விலைகள் உயர்த்தப்படவில்லை. அதிர்ஷ்டவசமாக, அதிகம் விற்பனையாகும் ஐபோன் 11 க்கும் விலை உயர்வு கிடைக்கவில்லை, அது இன்னுமும் ரூ.64,900 முதல் வாங்க கிடைக்கிறது.
ஆப்பிளுக்கு இது வழக்கம் அல்ல; இருந்தாலும் வேறு வழியும் இல்லை!
விலை உயர்வுக்குப் பிறகு, ஐபோன் 11 ப்ரோ இப்போது ரூ.1,01,200 முதல் தொடங்குகிறது, அதன் வெளியீட்டு விலை ரூ 99,900 ஆகும். மறுபுறம் உள்ள ஐபோன் 11 ப்ரோ மேக்ஸ் ஆனது தற்போது ரூ.1,11,200 க்கு தொடங்குகிறது, முன்னதாக இது ரூ.1,09,900 க்கு வாங்க கிடைத்தது. இந்த புதிய விலைகள் ஏற்கனவே இந்தியாவில் ஆன்லைன் மற்றும் ஆஃப்லைன் கடைகளில் அமலில் உள்ளன என்பது குறிப்பிடத்தக்கது. அறிமுகப்படுத்தப்பட்ட பின்னர் தனது போன்களின் விலையை அதிகரிப்பது என்பது ஆப்பிள் நிறுவனத்திற்கு பவழக்கமான ஒரு நடவடிக்கை அல்ல. ஆனால் இந்திய அரசு அறிமுகப்படுத்திய மாற்றங்கள் காரணமாக, குப்பெர்டினோவை தலமாக கொண்ட ஆப்பிள் நிறுவனம் அதன் மூன்று ஐபோன்களின் விலையை மாற்ற வேண்டியிருந்தது.
ஆப்பிள் ஐபோன் 11 ப்ரோ மேக்ஸ் மாடல்களின் புதிய விலைகள்:
ஆப்பிள் ஐபோன் 11 ப்ரோ மேக்ஸ் 64 ஜிபி மாடல் இப்போது ரூ.1,11,200 க்கு வாங்க கிடைக்கிறது. இதேபோல் அதன் 256 ஜிபி மாடல் ஆனது தற்போது ரூ.1,25,200 என்கிற புதிய விலை நிர்ணயத்தை எட்டியுள்ளது. கடைசியாக ஆப்பிள் ஐபோன் 11 ப்ரோ மேக்ஸ் மாடலின் 512 ஜிபி வேரியண்ட் ஆனது இப்போது ரூ.1,43,200 க்கு வாங்க கிடைக்கிறது.
ஆப்பிள் ஐபோன் 11 ப்ரோ மாடல்களின் புதிய விலைகள்:
இதேபோல் ஆப்பிள் ஐபோன் 11 ப்ரோவின் 64 ஜிபி வேரியண்ட் ஆனது இப்போது ரூ.1,01,200 க்கு விற்பனையாகிறது. மறுகையில் உள்ள ஐபோன் 11 ப்ரோவின் 256 ஜிபி வேரியண்ட் ஆனது ரூ.1,15,200 என்கிற புதிய விலை நிர்ணயத்தை எட்டியுள்ளது. கடைசியாக இதன் 512 ஜிபி மாடலின் விலை ரூ.1,33,200 என்று நிர்ணயம் செய்யப்பட்டுள்ளது.
ஆப்பிள் ஐபோன் 8 பிளஸ் மற்றும் ஐபோன் 8 மாடல்களின் புதிய விலைகள்:
ஐபோன் 11 ப்ரோ மாடல்களுடன், ஆப்பிள் நிறுவனம் அதன் ஐபோன் 8 பிளஸ் மற்றும் ஐபோன் 8 விலைகளையும் உயர்த்தியுள்ளது. ஆக 64 ஜிபி சேமிப்பகத்துடன் கூடிய ஆப்பிள் ஐபோன் 8 பிளஸ் இப்போது ரூ.50,600 க்கும், அதே நேரத்தில் 128 ஜிபி இன்டர்னல் ஸ்டோரேஜ் கொண்ட மாடல் ரூ.55,600 க்கும் வாங்க கிடைக்கிறது. கடைசியாக, 64 ஜிபி கொண்ட ஆப்பிள் ஐபோன் 8 ஆனது ரூ.40,500 க்கும், 128 ஜிபி மாடல் ரூ.45,500 க்கும் விற்பனையாகிறது.
எந்த விதமான விலை உயர்வையும் சந்திக்காத ஐபோன் மாடல்களின் பட்டியல்:
இந்தியாவில் ஐபோன் 7 மற்றும் ஐபோன் எக்ஸ்ஆர் விலையை ஆப்பிள் உயர்த்தவில்லை என்பது குறிப்பிடத்தக்கது, அவை இன்னும் முறையே ரூ.27,999 மற்றும் ரூ.49,900 க்கு விற்பனையாகின்றன. ஐபோன் 7 மற்றும் ஐபோன் எக்ஸ்ஆர் ஆகிய இரண்டு மாடல்களுமே மேட் இன் இந்தியா திட்டத்தின் கீழ் தயாரிக்கப்பட்ட ,மாடல்கள் ஆகும் என்பது குறிப்பிடத்தக்கது. 2019 ஆம் ஆண்டின் கடைசி காலாண்டில் அதிகம் விற்பனையாகும் ஸ்மார்ட்போனாக மாறியுள்ள ஆப்பிள் ஐபோன் 11 க்கும் எந்த விதமான விலை உயர்வும் கிடைக்கவில்லை, இது இன்னுமும் ரூ.64,900 க்கு வாங்க கிடைக்கிறது.