iPhone 9 : சத்தம் போடாமல் அறிமுகமாகும் பட்ஜெட் ஐபோனின் விலை இதுதான்!

சில வார காலமாக எந்த விதமான லீக்ஸ் தகவல்களிலும் சிக்காமல் இருந்த ஆப்பிள் நிறுவனத்தின் "பட்ஜெட் சாதனமான" ஐபோன் 9 (அல்லது ஐபோன் SE2) பற்றிய மிக முக்கியமான தகவல் வெளியாகியுள்ளது.

ஐபோன் எஸ்இ-யின் வாரிசாக வெளியாகவுள்ள இந்த ஸ்மார்ட்போனின் கேஸ்கள், பெஸ்ட் பை (Best Buy) போன்ற சில்லறை விற்பனையாளர்களிடம் வந்துள்ளதாகக் கூறப்படுகிறது.

வெளியான ஒரு அறிக்கையின்படி, ஏப்ரல் 5, அதாவது வருகிற ஞாயிற்றுக்கிழமை வரை சில்லறை விற்பனையாளர்கள் தங்கள் சரக்குகளில் இந்த புதிய ஐபோன் கேஸ்களை சேர்க்க வேண்டாம் என்று கேட்டுக் கொள்ளப்பட்டுள்ளனர். ஆக ஏப்ரல் 5 ஆம் தேதியன்று ஒரு ஆப்பிள் வெளியீடு நடக்கலாம்? என்று யூகிக்கப்படுகிறது.

Disney+ Hotstar சேவை: புதிய VIP, Premium விலைகள் வெளியானது; பயனர்கள் ஷாக்!

வரவிருக்கும் ஐபோன் 9 ஆனது கடந்த 2016 ஆம் ஆண்டு வெளியான ஐபோன் எஸ்இ போன்றே மலிவு விலையுள்ள ஒரு ஐபோனாக இருக்கும் என்று எதிர்பார்க்கப்படுகிறது.

ஐபோன் 9 எனக் கூறப்படும் கேஸை உள்ளடக்கிய படத்தை நம்முடன் பகிர்ந்து கொண்டது 9to5Mac வலைத்தளம் ஆகும். வெளியான படத்தில் அர்பன் ஆர்மர் கியர் பிராண்டிங் அதாவது ‘யுஏஜி’ பிராண்டிங் உள்ளது, இது கேஸின் பின்புறத்தில் உள்ளது.

சிவப்பு நிறத்தில் உள்ள இந்த கேஸ் ஒரு மெட்டல் எக்ஸோஸ்கெலட்டன் அல்லது பிரேம் வழியாக லெதர் கேஸ்களுக்கு கடினத்தன்மையையும் பாதுகாப்பையும் வழங்கும் என்று தோன்றுகிறது.

மேல் வலதுபுறத்தில் கேமராவிற்கான கட்அவுட் உள்ளது. இந்த கேஸிற்கான பேக்கேஜிங்கில் “புதிய ஐபோன் 4.7”, 2020 என்று எழுதப்பட்டுள்ளது. ஆக ஐபோன் 9 அல்லது ஐபோன் எஸ்இ2 பற்றிய முந்தைய லீக்ஸ் தகவல்களில் காணப்பட்ட டிஸ்பிளே அளவுடன் இது ஒற்றுப்போகிறது.

இந்த கேஸிற்கான பேக்கேஜிங் 'மிலிட்டரி ஸ்டாண்டர்ட்' மூலம் அங்கீகரிக்கப்பட்டது என்கிற பிராண்டிங்கையும் கொண்டுள்ளது.

முன்னரே கூறியபடி, பெஸ்ட் பை உட்பட இந்த கேஸ்களைப் பெற்ற சில்லறை விற்பனையாளர்கள் இந்த வாரத்தின் இறுதி வரை இதை தயாரிப்புகளின் பட்டியலில் காட்சிப்படுத்த வேண்டாம் என்று கேட்டுக் கொள்ளப்பட்டதாக கூறப்படுகிறது.

Honor 30S: சைலன்ட் ஆக அறிமுகமான 64MP க்வாட் கேமரா போன்!

புகைப்படத்தை வெளியிட்ட 9to5Mac வலைதளத்தின் படி, ஏப்ரல் 5 ஆம் தேதி ஆப்பிள் அதன் ஐபோன் 9 அல்லது ஐபோன் எஸ்இ 2-ஐ வெளியிடுவது சாத்தியமில்லை என்றாலும் கூட, இந்த வாரம் அது அறிவிக்கப்பட்டு, அடுத்த வாரத்தில் அது வாங்க கிடைக்கலாம்.

அம்சங்களை பொறுத்தவரை ஆப்பிள் ஐபோன் 9 ஆனது 4.7 இன்ச் எல்சிடி பேனல் மற்றும் டச் ஐடி ஹோம் பட்டனுடன் வரும் என்று எதிர்பார்க்கப்படுகிறது. இது ஆப்பிளின் ஏ 13 சிப்பால் இயக்கப்படலாம் மற்றும் 3 ஜிபி ரேம் கொண்டிருக்கலாம். விலை நிர்ணயத்தை பொறுத்தவரை, இந்திய மதிப்பின்படி இது தோராயமாக ரூ.30,000 என்கிற புள்ளியை எட்டலாம் என்று எதிர்பார்க்கப்படுகிறது.