BSNL Smart Plan: தினசரி வரம்பு இல்லாத 90GB டேட்டா; விலை & கிடைக்கும் தன்மை!

பாரத் சஞ்சார் நிகாம் லிமிடெட் எனும் பி.எஸ்.என்.எல் நிறுவனமானது இந்த ஓணம் பண்டிகையை தனது சந்தாதாரர்களுடன் கொண்டாடும் நோக்கத்தின் கீழ், அதன் கேரள வட்டத்தில் ரூ.234 எனும் ப்ரீபெய்ட் திட்டத்தை அறிவித்துள்ளது.

"ஓணம் ஸ்மார்ட் பிளான்" என்று அழைக்கப்படும் இந்த சமீபத்திய பிஎஸ்என்எல் ப்ரீபெய்ட் திட்டமானது எந்தவொரு தினசரி வரம்பும் இல்லாத 90 ஜிபி அளவிலான டேட்டாவை வழங்குகிறது. இதன் செல்லுபடியாகும் காலம் 30 நாட்கள் ஆகும்.

டேட்டாவை தவிர்த்து வேறென்ன நன்மைகள்?

டேட்டா நன்மையை தவிர்த்து இந்த ரீசார்ஜ் திட்டத்தின் கீழ் தினசரி 100 எஸ்எம்எஸ், டெல்லி மற்றும் மும்பை உட்பட அனைத்து தொலைத் தொடர்பு வட்டங்களில் உள்ள நெட்வொர்க்குகளுக்கு 250 நிமிட தினசரி இலவச குரல் அழைப்புகள் போன்ற நன்மைகளும் அணுக கிடைக்கிறது.

Jio vs BSNL: நாள் ஒன்றிற்கு 33GB டேட்டா; அடித்து நொறுக்கும் BSNL; ஜியோவிற்கு நேரடி சவால்!

இதை ரீசார்ஜ் செய்ய விரும்பினால்!?

கேரள வட்டத்தில் உள்ள பிஎஸ்என்எல் வாடிக்கையாளர்கள் PLAN<space>SMART ஐ 123 எனும் எண்ணிற்கு மெசேஜ் அனுப்புவதன் மூலமோ அல்லது *444*234# என்கிற எண்ணிற்கு டயல் செய்வதன் மூலமோ இந்த சமீபத்திய திட்டத்தை செயல்படுத்தலாம்.

15ஜிபி வரை கூடுதல் டேட்டாவும் அறிவிக்கப்பட்டுள்ளது!

இந்த ரூ. 234 பிஎஸ்என்எல் ப்ரீபெய்ட் திட்டத்துடன் சேர்த்து பி.எஸ்.என்.எல் அதன் சில வவுச்சர்கள் மீதான "கூடுதல் டேட்டா" சலுகையையும் அறிவித்துள்ளது. இந்த நன்மையானது தேர்ந்தெடுக்கப்பட்ட ப்ரீபெய்ட் திட்டங்களின் கீழ் கூடுதலாக 15 ஜிபி வரையிலான டேட்டாவை வழங்கும் வகையில் வடிவமைக்கப்பட்டுள்ளது.

JioFiber vs Airtel V-Fiber: எது குறைந்த விலைக்கு நிறைய நன்மைகளை தருகிறது?

எந்தெந்த திட்டங்களில்?

பிஎஸ்என்எல் இணையதளத்தில் குறிப்பிடப்பட்டுள்ளபடி, ஓணத்தின் போது பிஎஸ்என்எல் ஆனது 9 ஜிபி முதல் 15 ஜிபி வரையிலான கூடுதல் டேட்டாவை வழங்கும்.

இந்த கூடுதல் டேட்டா நன்மையானது நிறுவனத்தின் ரூ.186, ரூ.446, ரூ.485, ரூ.666, ரூ.1,699/- மற்றும் சிறப்பு கட்டண வவுச்சர்கள் (எஸ்.டி.வி) ஆன ரூ.187, ரூ.349, ரூ.399, மற்றும் ரூ.429/- ஆகிய திட்டங்களில் அணுக கிடைக்கும். கூடுதல் டேட்டா சலுகை ஆனது வருகிற செப்டம்பர் 15 ஆம் தேதி வரை மட்டுமே செல்லுபடியாகும் என்பது குறிப்பிடத்தக்கது.