யாராலும் வழங்க முடியாத நன்மைகள்!
4ஜி சேவை இல்லாத குறையால் எப்போதுமே நான்காவது இடத்தில் (ஜியோ, ஏர்டெல் மற்றும் வோடாபோன் ஐடியாவிற்கு பின்) இருக்கும் பிஎஸ்என்எல் தான் நாட்டின் மிகப்பெரிய பிராட்பேண்ட் சேவை வழங்குநர் என்று உங்களில் எத்தனை பேருக்கு தெரியும்? உண்மை என்னவென்றால், பிஎஸ்என்எல்-ன் பிராட்பேண்ட் சேவையின் பலன்களை பெறுவதற்கு மக்கள் வரிசையில் உள்ளனர். ஏனெனில் ஐந்து நிமிட அழைப்புகளை செய்ய 6 பைசாவை கேஷ்பேக் ஆக வழங்குவது, லேண்ட்லைன் வழியிலான அழைப்புகளுக்கு கேஷ்பேக் கொடுப்பது போன்ற பிஎஸ்என்எல பிராட்பேண்ட் நன்மைகளை வேறெந்த நிறுவனதினாலும் வழங்க முடியாது.
BSNL Republic Day Offer: மொத்தம் 1308 ஜிபி டேட்டா! ஒரே அறிவிப்பில் ஜியோவை ஓரங்கட்டிய பிஎஸ்என்எல்!
இன்னும் சொல்லப்போனால் ஜியோவால் கூட முடியாது!
எல்லாவற்றிற்கும் மேலாக "இலவச சேவை நாட்கள்" போன்ற நன்மைகளை முகேஸ்க் அம்பானி தலைமையிலான ஜியோ பைபரால் கூட வழங்க முடியாது. ஆம் பிஎஸ்என்எல் சந்தாதாரர்கள் தங்கள் வருடாந்திர இணைப்பு அல்லது அதிக சந்தா காலத்திற்கு முன்கூட்டியே பணம் செலுத்துகிறார்கள், இதன் வழியாக பிஎஸ்என்எல்-லிருந்து இலவச சேவை மாதங்களை பெறுகிறார்கள். இந்த சலுகையின் கீழ், பிஎஸ்என்எல் தனது வாடிக்கையாளர்களுக்கு 4 மாத கால ரென்டல் தள்ளுபடியாக அளிக்கிறது. இருப்பினும், உங்கள் ரெண்டலில் எந்த அளவிலான தள்ளுபடி கிடைக்கும் என்பது உங்கள் சந்தா காலம் எவ்வளவு என்பதைப் பொறுத்தது.
1 மாத காலம் இலவச சேவையை பெற?
எடுத்துக்காட்டாக, பிஎஸ்என்எல் தங்கள் பிராட்பேண்ட், DSL, BharatFibre, BBoWi-Fi பிராட்பேண்ட் பிளான் அல்லது லேண்ட்லைன் திட்டத்தின் 12 மாதங்களுக்கு முன்கூட்டியே பணம் செலுத்தும் சந்தாதாரர்களுக்கு கூடுதளாக மாத சேவை கிடைக்கும். அதாவது 12 மாத சேவைக்கு பணம் செலுத்துவதன் மூலம், அவர்கள் 13 மாத கால சேவையை அனுபவிக்கலாம் என்று அர்த்தம்.
Jio FREE Data: மறைமுகமாக ஜியோ வழங்கும் இலவச டேட்டா; அடச்சே! இத்தனை நாளாய் இது தெரியாம போச்சே!
3 மாதங்கள் இலவச சேவையை பெற?
பிஎஸ்என்எல் பிராட்பேண்ட் மற்றும் லேண்ட்லைன் சந்தாதாரர்களுக்கு 24 மாதங்கள் கொண்ட மற்றொரு நீண்ட கால சந்தா விருப்பமும் உள்ளது. சந்தாதாரர்கள் பிஎஸ்என்எல்- ல் இருந்து இரண்டு ஆண்டு அல்லது 24 மாத சந்தாவைத் தேர்வுசெய்தால், அவர்களுக்கு கூடுதலாக 3 மாத கால சேவை இலவசமாக கிடைக்கும். இதன் பொருள் 24 மாதங்களுக்கு பணம் செலுத்தினால், சந்தாதாரர்களுக்கு 27 மாத சேவை இலவசமாக கிடைக்கும்.
4 மாதங்கள் இலவச சேவையை பெற?
கடைசியாக, பிஎஸ்என்எல் சந்தாதாரர்களுக்கு கூடுதலாக 4 மாத கால இலவச சேவையை வழங்கும் ஒரு விருப்பமும் உள்ளயு. அதை பெற, சந்தாதாரர்கள் பிஎஸ்என்எல் லேண்ட்லைன் அல்லது பிராட்பேண்ட் சேவையை மூன்று ஆண்டுகள் அல்லது 36 மாதங்களுக்கு தேர்வு செய்ய வேண்டும். இப்படியாக நீங்கள் பிஎஸ்என்எல் சேவைகளுக்கான 36 மாத சந்தாவைப் பெறும்போது, கூடுதலாக 4 மாதங்கள் இலவச சேவை கிடைக்கும், அதாவது மொத்தம் 40 மாத சேவையை நீங்கள் அனுபவிக்க முடியும்.
WhatsApp Udpate 2020: சத்தம் போடாமல் வாட்ஸ்அப் பார்த்த வேலை; மொத்தம் 3 புதிய அம்சங்கள்!
பிஎஸ்என்எல்-ன் இந்த இலவச சேவை மாதங்களை பெறுவது எப்படி?
நீங்கள் இந்த சலுகையை பிஎஸ்என்எல்-லிருந்து பெற விரும்பினால், முதலில் நீங்கள் அதிகாரப்பூர்வ பிஎஸ்என்எல் வலைத்தளத்திலிருந்து குறிப்பிட்ட பேனரைக் கிளிக் செய்வதன் மூலம் அல்லது 18003451500 என்ற கட்டணமில்லா எண்ணை அழைப்பதன் மூலம் அதைப் பெற வேண்டும். பிஎஸ்என்எல் சந்தாதாரர்கள் அருகிலுள்ள வாடிக்கையாளர் சேவை மையத்தை அணுகுவதின் வழியாகவும் இந்த சலுகையைப் பெறலாம்.