BSNL:மீண்டும் களத்தில் கலக்கும் பிஎஸ்என்எல் : ரூ 798க்கு புதிய ரிசார்ஜ் பிளான்!

பிஸ்என்எல் நிறுவனம், ரூ 798க்கு புதிய போஸ்டு பெய்டு ரிசார்ஜ் திட்டத்தை அறிவித்துள்ளது. இந்த ஆஃப்பர் ஏர்டெல் நிறுவனத்தின் ரூ.799 ரிசார்ஜ் ஆஃப்பருக்கு போட்டியாக அமைந்துள்ளது.

டெலிகாம் சந்தையில் ஜியோவின் வருகைக்கு பின்பு, ஏற்பட்ட ட மாற்றங்கள் அனைத்தும் தெரிந்ததே. குறிப்பாக ஏர்டெல், வோடஃபோன், போன்ற முன்னணி நிறுவனங்கள் பல, சந்தையில் தோல்வியை தழுவினர், இருப்பினும், தனக்கென தனி வாடிக்கையாளர்களை எப்போதும் பிஎஸ்என்எல் நிறுவனம் வைத்துள்ளது. ஆஃப்பர் , சலுகை என்று வாடிக்கையாளர்களை ஏமாற்றாமல் சரியான விலைக்கு உரிய ரிசார்ஜ் திட்டத்தை வாடிக்கையாளர்களுக்கு வழங்கி வருகிறது பிஎஸ்என்எல்.

தற்போது ரூ 798 க்கு போஸ்டு பெய்டு ரிசார்ஜ் திட்டத்தை அறிமுகம் செய்துள்ளது. இந்த திட்டம் மூலம் வாடிக்கையாளர்கள் 120 ஜிபி டேட்டா, இலவச வாய்ஸ் கால்ஸ் , தினமும் 100 எஸ்எம்எஸ் போன்ற சேவைகளை பெற முடியும். மேலும் ஒரு வருடம் முழுக்க அமேசான் பிரைம் சந்தாவை இலவசமாக பெற இயலும்.

ஆனால் பிஎஸ்என்எல் நிறுவனத்தின் 4 ஜி சேவை இன்னும் முழுமையாக செயல்பட தொடங்காததால் 2ஜி மற்றும் 3 ஜியி வேகத்தில்தான் டேட்டாவை பயன்படுத்த முடியும்.