டான்ஸ் ஆடும் இறந்த நட்சத்திரங்கள்! ஆராய்ச்சியாளர்கள் கண்டுபிடிப்பு!!

விண்வெளியில் இறந்து போன இரண்டு நட்சத்திரங்கள் ஒன்றையொன்று நெருங்கி வந்து சுற்றுவதை கலிஃபோர்னியா விஞ்ஞானிகள் கண்டுபிடித்துள்ளனர்.

கலிஃபோர்னியா தொழில்நுட்பக் ஆய்வுக் கழகத்தில் Zwicky Transient Facility (ZTF) என்ற அமைப்பு செயல்பட்டு வருகிறது. இந்த அமைப்பினர் விண்வெளியில் நட்சத்திரங்கள் பற்றிய ஆய்வை மேற்கொண்டு வருகிறது.

VLC Media Player-ஐ உடனே Uninstall செய்யுங்கள்
காங்கிரஸ் பிரமுகரிடம் போலி பொருட்கள் விற்பனை!
நிலவில் நிலம் வாங்கிய இந்தியர்
இந்த நிலையில், ZTF அமைப்பில் கெவின் பர்கெட் என்ற பட்டதாரி மாணவர், நட்சத்திரங்களின் ஆய்வு முடிவுகளை ஆராய்ந்தார். அப்போது, இறந்து போன இரண்டு நட்சத்திரங்கள் ஒன்றையொன்று சுற்றிவருவதும், குறிப்பிட்ட சில நிமிடங்களில் நெருங்கி வருவதையும் கண்டுபிடித்தார்.

அவருடைய கணிப்பின்படி, 5.4 நிமிடங்களில் இரு நட்சத்திரங்களும் ஒன்றை மற்றொன்று சுற்றுகிறது. இந்த நட்சத்திரங்களுக்கு ZTF J1539 + 5027 என்று பெயரிடப்பட்டுள்ளது. இவ்வாறு இரண்டு நட்சத்திரங்களும் சுற்றி வருவதை பார்க்கும் போது ஜொலிஜொலித்து வருகிறது.

இது தொடர்பாக வெளிவந்த தகவலின்படி, இரு நட்சத்திரங்களில் இருந்தும் ஈர்ப்பு அலைகள் வெளிவருவதாகவும், எனவே, இன்னும் 2 லட்சம் ஆண்டுகளில் அவை இணைய வாய்ப்பு உள்ளதாகவும் கூறப்படுகிறது.