Facebook Portal: அமேசானுக்கு போட்டியாக களமிறங்கும் ஃபேஸ்புக் ‘போர்ட்டல்’- முழு விபரம்

ஃபேஸ்புக் நிறுவனம் உருவாக்கி வரும் வீடியோ சாட் செய்ய உதவும் ‘போராட்டல்’ என்ற சாதனம் மொபைல் கேமரா தொழில்நுட்பத்தில் புதிய புரட்சியை ஏற்படுத்தும் என்று சொல்லப்படுகிறது.

செயலி வடிவில் இல்லாத தொழில்நுட்ப பயன்பாட்டில் களமிறங்க ஃபேஸ்புக் தலைமைச் செயல் அதிகாரி மார்க் ஜுக்கர்பெர்க் பல ஆண்டுகளாக திட்டம் தீட்டி வருகிறார். இதில் பல்வேறு செயல்பாடுகள் குறித்து ஆய்வுகள் மேற்கொள்ளப்பட்டு வருகின்றன.

ஆனால் இதற்கிடையில் ஒரு டேட்டிங்க் செயலியை உருவாக்கும் முயற்சியிலும் ஃபேஸ்புக் களம் கண்டுள்ளது. இது டேட்டிங் ஆப் பயன்பாட்டில் புதிய அம்சங்களுக்கு வழிவகுக்கும் என்று சொல்லப்படுகிறது.

இந்நிலையில் அடுத்த அதிரடி நடவடிக்கையாக முழுக்க முழுக்க வீடியோ கால் வசதி கொண்ட சாதனத்தை ஃபேஸ்புக் உருவாக்கி வருகிறது. இதில் பயனர்கள் அதிகநேரம் வீடியோ சேட் செய்யலாம் என்று சொல்லப்படுகிறது.

’போர்ட்டல்’ என்ற பெயரில் ஃபேஸ்புக் வெளியிடும் இந்த சாதனம் மிக துல்லியமான காட்சிகளை பதிவு செய்யும் எனவும், இது வீடியோ கால் பயன்பாட்டில் புதிய புரட்சிக்கு வித்திடும் என ஃபேஸ்புக் தெரிவிக்கிறது.

கூடுதலாக இந்த ’போரட்டல்’ செயற்கை நுண்ணறிவு (Aritifical Intellgience) கொண்டு இயங்கும். அதன்படி வைஃபை இணைக்கப்பட்ட சாதனங்களை இதன் மூலம் இயக்க முடியும் என கூறுகிறார்கள்.

ஃபேஸ்புக்கின் ’போர்ட்டல்’ பயன்பாட்டை குறித்து கேள்விப்படும் போது, அது கிட்டத்தட்ட அமேசானின் ‘ஈகோ’ தொழில்நுட்பத்தை பின்பற்றி உருவாக்கப்படுவதாக தெரியலாம். ஆம் அதுவும் உண்மை தான்.

ஆனால் இதில் ஆச்சர்யம் என்னவென்றால், ’போர்ட்டல்’ சாதனத்தை உருவாக்க ஃபேஸ்புக்கிற்கு அமேசான் நிறுவனமே உதவியுள்ளது. ஆனால் ’ஈகோ’வில் இருந்து ’போர்ட்டலின்’ செயல்பாடு தனித்திருக்கும் என்றே தொழில்நுட்ப வல்லுநர்கள் தெரிவிக்கின்றனர்.