வாட்ஸ்அப், ஃபேஸ்புக் சரியாகி விட்டது!

வாட்ஸ்அப், ஃபேஸ்புக், இன்ஸ்டாகிராம் ஆகியவை நேற்று திடீரென முடங்கிய நிலையில், தற்போது சரிசெய்யப்பட்டு விட்டதாக ஃபேஸ்புக் நிறுவனம் தெரிவித்துள்ளது.

நேற்று இரவு வாட்ஸ்அப், ஃபேஸ்புக், இன்ஸ்டாகிராம் ஆகியவற்றில் போட்டோஸ்களை அப்லோடு செய்வதில் சிக்கல் ஏற்பட்டது. இதே போல், மற்றவர்களின் புரோபைல் பிக்சர்களை பார்ப்பதிலும், போட்டோஸ் வீடியோஸ் அனுப்பவதிலும் சிக்கல் ஏற்பட்டது. ஃபேஸ்புக் பயனர்களோ, தங்களுக்கு மட்டும் தான் இந்த பிரச்னை ஏற்பட்டதாக முதலில் நினைத்தனர். ஒரு வேளை இன்டெர்நெட் டேட்டா கோளாறு காரணமாக இவ்வாறு ஏற்பட்டிருக்கலாம் என்று ஒரு சிலர் டுவிட்டரில் கருத்து தெரிவித்து வந்தனர்.

ஆனால், சிறிது நேரத்துக்குப் பிறகு ஃபேஸ்புக் நிறுவனமே தனது டுவிட்டர் பக்கத்தில், சர்வர் கோளாறினால் இந்த பிரச்னை ஏற்பட்டுள்ளதாகவும், விரைவில் சரிசெய்யப்படும் என்றும் பதிவிட்டது. அதன்பிறகே பயனர்களுக்கு புரிய ஆரம்பித்தது. தங்களுக்கு மட்டும் அல்ல, உலகம் முழுவதிலும் ஃபேஸ்புக் மெசேன்ஜர், வாட்ஸ்அப், இன்ஸ்டாகிராமில் கோளாறு ஏற்பட்டதை உணர்ந்தனர்.

இதையடுத்து டுவிட்டரில் #instagramdown, #facebookdown மற்றும் #whatsappdown ஆகியவை டிரெண்ட் ஆக ஆரம்பித்தது. மேலும், டுவிட்டர் மூலம் நெட்டிசன்கள் மீம்ஸ்களை போட்டு நிரப்பினர்.இதையடுத்து சிறிது நேரத்துக்குப் பிறகு இந்த பிரச்னை சரிசெய்யப்பட்டுவிட்டதாக ஃபேஸ்புக் நிறுவனம் மீண்டும் டுவிட்டரில் பதிவு வெளியிட்டது.

ஃபேஸ்புக், வாட்ஸ்அப்பின் திடீர் முடக்கத்தால் இளைஞர்கள் திக்குமுக்காடி போயினர். தினந்தோறும் ஃபேஸ்புக், வாட்ஸ்அப், இன்ஸ்டாகிராமையே பார்த்து பார்த்து பழகிய மக்கள், சிறிது நேரம் அது இல்லாததால், போதைக்கு அடிமையானது போல் எரிச்சலின் உச்சத்துக்கு சென்றனர்.