FAU-G கேம்: ஒருவழியாக Google Play Store-க்கு வந்தது; எப்படி இருக்கு?

ஒருவழியாக FAU-G மொபைல் கேம் கூகுள் பிளே ஸ்டோருக்கு வந்துள்ளது. இந்த கேம் இன்னும் தொடங்கப்படவில்லை என்றாலும் கூட பல தாமதங்கள் மற்றும் வெளியீட்டு தேதிகளை மாற்றிய பின்னர், இப்போது பதிவு செய்வதற்கு Google Play ஸ்டோரில் வைக்கப்பட்டுள்ளது.

BSNL Bharat Fiber : ரூ.1000 க்குள்ள 6 பெஸ்ட் பிளான்கள்; ஒரே ரீசார்ஜ் ஓஹோன்னு வாழ்க்கை!

எனவே இந்த கேமின் டெவலப்பர்கள் இதை ஆண்ட்ராய்டுடன் கட்டுப்படுத்துவது போல் தெரிகிறது. ஏனெனில் இந்த புதிய மொபைல் கேம் இன்னமும் ஆப்பிளின் ஆப் ஸ்டோரில் முன் பதிவுகளுக்கு தோன்றவில்லை. கூகுள் பிளே பட்டியலானது அதன் டீஸர் வெளிப்படுத்தியதை விட கதைக்களத்தை சற்று அதிகமாக விவரிக்கிறது.

Flipkart New Sale : நாளை தொடங்கும் Flipstart Days sale; என்னென்ன ஆபர்கள்?

தடை செய்யப்பட்டு மறுபெயரின் கீழ் இந்தியாவிற்குள் மீண்டும் வரும் PUBG மொபைல் இந்தியா கேமை FAU-G எதிர்கொள்ளும் என்று எதிர்பார்க்கலாம். ஆனால் FAU-G கேம் ஆனது PUBG க்கு வெறுமனே ஒரு இந்திய மாற்றீட்டாக மட்டுமில்லாமல், ஆயுதப்படைகளின் பங்களிப்பை எடுத்துக்காட்டுகின்ற ஒரு தேசபக்தி கேம் ஆக பெரிதும் ஊக்குவிக்கப்படுகிறது.

நினைவூட்டும் வண்ணம், பப்ஜி மொபைல் கேம் கடந்த செப்டம்பர் மாதம் 117 பிற சீன பயன்பாடுகளுடன் தடைசெய்யப்பட்டது.

Fearless and United Guards என்பதின் சுருக்கமான FAU-G இப்போது முன் பதிவுக்காக கூகுள் பிளே ஸ்டோரில் கிடைக்கிறது. முன்பே பதிவுசெய்த பயனர்கள், குறிப்பிட்ட கேம் ஆனது பதிவிறக்கம் செய்யத் தயாராக இருக்கிறது என்பதை அவர்களுக்குத் தெரிவிக்கும் ஒரு புஷ் நோட்டிபிக்கேஷனைப் பெறுவார்கள். தகுதியான ஸ்மார்ட்போன்கள் கேமை தானாகவே பதிவிறக்கம் செய்து நிறுவும்.

பதிவிறக்கத்தின் அளவு மற்றும் வெர்ஷன் பற்றிய பிற விவரங்கள் இன்னும் வெளியிடப்படவில்லை. ஆனால் வெளியான பட்டியல் கதைக்களம் மற்றும் விளையாட்டை பற்றிய ஒரு சுருக்கத்தை அளிக்கிறது.

டீஸர் வெளிப்படுத்தியபடி, இந்த கேம் இந்திய மற்றும் சீனப் படைகளுக்கிடையேயான கால்வான் பள்ளத்தாக்கு மோதல்களை Line of Actual Control (எல்ஏசி) உடன் பின்பற்றும் ஒரு லெவல் இருக்கும் என்று எதிர்பார்க்கப்பட்டது. ஆனால் கேம் டிஸ்க்ரிப்ஷன் ஆனது முழு கேமும் இந்திய வீரர்களை மையமாகக் கொண்டதாக இருக்கும் என்று கூறுகிறது.

கதாபாத்திரங்கள் FAU-G கமாண்டோஸ் என்று அழைக்கப்படுவார்கள், இது ஆபத்தான பிரதேசத்தில் ரோந்து செல்லும் இந்திய வீரர்களின் உயரடுக்கு குழுவாகும்.

நினைவூட்டும் வண்னம் பாலிவுட் நடிகர் அக்‌ஷய் குமார் உடன் இணைந்து பெங்களூரைச் சேர்ந்த என் கோர் கேம்ஸ் நிறுவனத்தால் FAU-G உருவாக்கப்பட்டது. முதல் டீஸர் அக்டோபர் 25 அன்று நேரலைக்கு வந்தது. கேமின் வெளியீடு அதே மாதத்தில் திட்டமிடப்பட்டதாக கூறப்படுகிறது, ஆனால் அது நடக்கவில்லை.

பின்னர் டெவலப்பர்கள் நவம்பர் மாதத்தில் இதன் வெளியீட்டை அறிவித்தனர், இது மிகவும் எதிர்பார்க்கப்பட்ட PUBG மொபைல் இந்தியாவுடன் நேரடியாக மோதும் என்று எதிர்பார்க்கப்படுகிறது. இந்த இரண்டு கேம்களும் பல காரணங்களுக்காக தாமதங்களை எதிர்கொண்டாலும் கூட, அவ்வப்போது விரைவில் அறிமுகம் செய்யப்படும் என்று டீஸ் செய்வதை நிறுத்திக்கொள்ளவில்லை.