BSNL 1500GB: அம்பானிக்கே 'டஃப்' கொடுக்கும் அதிரடி பிளான்!

பி.எஸ்.என்.எல் என்று நன்கு அறியப்படும் பாரத் சஞ்சார் நிகாம் லிமிடெட் (பிஎஸ்என்எல்) நிறுவனம், இந்த ஆண்டு தொடக்கத்தில் சென்னை மற்றும் தெலுங்கானா வட்டங்களில் மட்டுமே அதன் 1500 ஜிபி எஃப்.டி.டி.எச் திட்டத்தை அறிமுகப்படுத்தி இருந்தது. தற்போது இந்த திட்டத்தை தமிழ்நாட்டின் மற்ற நகரங்களுக்கும் பி.எஸ்.என்.எல் நிறுவனம் விரிவுபடுத்தியுள்ளது.

நன்மைகளை பொறுத்தவரை பிஎஸ்என்எல் 1500 ஜிபி ஃபைபர்-டு-ஹோம் (எஃப்டிடிஎச்) திட்டமானது எந்த நெட்வொர்க்குக்கும் வரம்பற்ற உள்ளூர் மற்றும் எஸ்.டி.டி அழைப்புகளுடன் 1500 ஜிபி அளவிலான டேட்டாவை 200 எம்.பி.பி.எஸ் என்கிற வேகத்தைதின் கீழ் வழங்குகிறது.

இப்படியும் BSNL பிளானா? அட இத்தனை நாளாய் இது தெரியாம போச்சே!

குறிப்பிட்ட FUP வரம்பை அடைந்த பிறகு, இணைய வேகம் 2Mbps ஆக குறையும். இந்த 1500 ஜிபி எப்டிடிஎச் திட்டமானது ஒடிசாவின் பவானிபட்னா நகரத்திலும், புதுச்சேரி பகுதியிலும் அறிமுகப்படுத்தப்பட்டுள்ளது என்பதும் இங்கே குறிப்பிடத்தக்கது.

பி.எஸ்.என்.எல் நிறுவனத்தின் ஜூனியர் டெலிகாம் அதிகாரி ஒருவர் வெளியிட்டுள்ள ட்வீட்டில், அரசுக்கு சொந்தமான இந்த டெலிகாம் நிறுவனம் ரூ.1,999 மதிப்புள்ள அதன் 1500 ஜிபி திட்டத்தை சேலம், ஏற்காடு, ஓமலூர், மேட்டூர், சங்ககிரி, திருச்செங்கோடு, ஆத்தூர், வாழப்பாடி, ராசிபுரம், நாமக்கல், மற்றும் வேலூர் உள்ளிட்ட நகரங்களில் அறிமுகம் செய்துள்ளது.

ஆக இந்த நகரங்களில் இனிமேல் ரூ.499 (100 ஜிபி வரை 20 எம்.பி.பி.எஸ்) என்கிற பேஸிக் திட்டம் முதல் ரூ.1,999 (200 எம்.பி.பி.எஸ் வரை 1500 ஜிபி வரை) திட்டம் வரை ரீசார்ஜ் செய்ய கிடைக்கும் என்று அர்த்தம்.

கூடுதலாக, வாடிக்கையாளர்களுக்கு ரூ.749 திட்டத்துடன் இலவச ஹாட்ஸ்டார் பிரீமியம் சந்தாவும் கிடைக்கும் என்று அறிவிக்கப்பட்டுள்ளது. ஏற்கனவே அனைத்து பிஎஸ்என்எல் பாரத் ஃபைபர் திட்டங்களும் இலவசமாக ரூ. 999 மதிப்புள்ள அமேசான் ப்ரைம் சந்தாவை வழங்கி வருகிறது.இருப்பினும் இந்த நன்மை ரூ.1,999 திட்டதிலும் கிடைக்குமா என்பது குறித்து எந்த தகவலும் வெளியாகவில்லை.

மேற்கண்ட பிராட்பேண்ட் திட்டங்கள் பி.எஸ்.என்.எல் தமிழ்நாடு தளத்தில் நேரலையில் உள்ளன, மேலும் இந்த தகவலை முதலில் கண்டறிந்து அறிக்கை வெளியிட்டது டெலிகாம் டால்க் ஆகும் என்பது இங்கே குறிப்பிடத்தக்கது. குறிப்பிட்டுள்ளபடி, இந்த திட்டம் முதலில் தெலுங்கானா மற்றும் சென்னை வட்டங்களில் இந்த ஆண்டின் தொடக்கத்தில் அறிமுகப்படுத்தப்பட்டது, இதன் செல்லுபடியாகும் காலம் 90 நாட்கள் ஆகும்.

1 வருட Hotstar சந்தா FREE; இரவோடு இரவாக 4 ஜியோ பிளான்கள் அறிமுகம்!

இதற்கிடையில், 1500 ஜிபி பாரத் ஃபைபர் திட்டமும் பிற எஃப்டிடிஎச் திட்டங்களும் ஒடிசாவின் பவானிபட்னா நகரத்தில் அணுக கிடைக்கின்றன. பி.எஸ்.என்.எல் பவானிபட்னா ட்விட்டர் பக்கத்தில் இந்த அறிவிப்பு வெளியிடப்பட்டுள்ளது. மேலும் இந்த 1500 ஜிபி திட்டம் புதுச்சேரியிலும் அணுக கிடைப்பதாக டெலிகாம் டால்க் குறிப்பிடுகிறது.

இதற்கிடையில் பிஎஸ்என்எல் அதன் பெஸ்ட் தமிழ்நாடு பிளான்களை பட்டியலிட்டு இருந்தது. அதில் தினமும் 3 ஜிபி அளவிலான டேட்டாவை வழங்கும் நான்கு வெவ்வேறு திட்டங்கள் பெரும்பாலானோர்களின் கவனத்தை ஈர்த்தது. பி.எஸ்.என்.எல் தமிழ்நாடு வட்டத்தால் பட்டியலிடப்பட்ட இந்த 4 திட்டங்களும் இந்தியா முழுவதும் பல வட்டங்களில் கிடைக்கின்றன.

பிஎஸ்என்எல் ரூ.78 திட்டம்:

- எட்டு நாட்கள் செல்லுபடியாகும்
- ஒரு நாளைக்கு 250 நிமிடங்கள் FUP வரம்பிலான அழைப்புகள்
- ஒரு நாளைக்கு 3 ஜிபி டேட்டா
- எஃப்யூபி வரம்பை எட்டும்போது இணைய வேகத்தை 80 கே.பி.பி.எஸ் ஆக குறையும்
- 8 நாட்களுக்கு ஈரோஸ் நவ் எண்டர்டெயின்மெண்ட் சேவைகளுக்கான இலவச அணுகல்

பிஎஸ்என்எல் ரூ.247 திட்டம்:

- 30 நாட்கள் செல்லுபடியாகும்
- ஒரு நாளைக்கு 100 எஸ்எம்எஸ்
- ஒரு நாளைக்கு 250 நிமிடங்கள் என்ற எஃப்யூபி வரம்புடனான அழைப்புகள்
- தினமும் 3 ஜிபி டேட்டா
- வரம்பு தீர்ந்த பின்னர் 80 கே.பி.பி.எஸ் ஆக வேகம் குறையும்.

பிஎஸ்என்எல் ரூ.997 திட்டம்:

- வவுச்சர் (பிவி) 997 திட்டத்தை முதல் ரீசார்ஜ் கூப்பனாக (எஃப்ஆர்சி) பயன்படுத்தலாம்
- வரம்பற்ற அழைப்புகள் மற்றும் வரம்பற்ற டேட்டாவை 180 நாட்களுக்கு பெறலாம்.
- வரம்பற்ற அழைப்புகள் ஒரு நாளைக்கு 250 நிமிடங்கள் என்ற எஃப்யூபி வரம்பைக் கொண்டுள்ளன
- ஒரு நாளைக்கு 3 ஜிபி
- அதன் பிறகு 80 கேபிபிஎஸ் என்கிற இணைய வேகம்
- ஒரு நாளைக்கு 100 எஸ்எம்எஸ் அனுப்பலாம்
- பெர்சனலைஸ்டு ரிங் பேக் டோன் (பிஆர்பிடி) சேவையின் கீழ் இரண்டு மாத இலவச காலர் ட்யூன்.

பிஎஸ்என்எல் ரூ.1999 திட்டம்:

- 365 நாள் செல்லுபடியாகும்
- தினமும் 250 நிமிட எஃப்யூபி வரம்பைக் கொண்டுள்ளது
- 3 ஜிபி தினசரி டேட்டா
- குறிப்பிட்ட வரம்பிற்குப் பிறகு இணைய வேகத்தை 80 கே.பி.பி.எஸ் ஆக குறையும்
- ஒரு நாளைக்கு 100 எஸ்எம்எஸ்
- திட்டத்தின் முழு காலத்திற்கும் பயனர்களுக்கு இலவச பிஆர்பிடி சேவை
- இரண்டு மாதங்களுக்கு ஈரோஸ் நவ் பொழுதுபோக்கு சேவைகளுக்கான இலவச அணுகல்.