உங்கள் முகத்தை ஓவியத்துடன் ஒப்பிடும் கூகுள்

கூகுள் நிறுவனத்தின் கலை மற்றும் பண்பாட்டுக்கான மொபைல் அப்ளிகேஷன் தற்போது பயன்படுத்துபவரின் செல்ஃபியைக் கொண்டு அதே போல உள்ள ஓவியங்களைக் கண்டுபிடித்துக்கொடுக்கிறது.

கூகுள் நிறுவனத்தின் அதிகம் கவனிக்கப்படாத அருமையான அப்ளிகேஷன்களில் ஒன்று கூகுள் ஆர்ட் அன்ட் கல்சர் (Google Art and Culture). கலை மற்றும் பண்பாட்டுப் பொக்கிஷங்களின் மின்காட்சியகமாகத் திகழும் இதில் இந்தியாவின் பண்பாட்டு வளர்ச்சியில் குறிப்பிடத்தக்க தாக்கதை ஏற்படுத்திய இந்தியப் பெண்களைப் பற்றிய குறிப்புகளும் படங்களும் கடந்த ஆண்டு இடம்பெற்றன.

தற்போது ஒரு செல்ஃபி எடுத்தால் அதில் உள்ள முகத்தைப் போல இருக்கும் ஓவியம் ஒன்றை தேடித்தரும் வசதி இந்த அப்ளிகேஷனில் அறிமுகமாகியுள்ளது. தோராயமாக செல்ஃபியில் உள்ள முகத்தில் சாயலில் இருக்கும் அந்த ஓவியம்.

இந்த புதுமையான வசதி இந்தியா உள்ளிட்ட 70 நாடுகளில் பயன்பாட்டில் உள்ளது. இந்த வசதி அறிமுகமானதும், சிறிது நேரத்திலேயே 3 கோடி செல்ஃபிக்கள் இந்த அப்ளிகேஷன் மூலம் எடுக்கப்பட்டுள்ளன என்று கூகுள் தெரிவித்துள்ளது.

இந்த அப்ளிகேஷன் ஆண்ட்ராய்ட் பிளே ஸ்டோரிலும் ஐபோன்களின் ஆப் ஸ்டோரிலும் கிடைக்கும்.