வேக்யூம் க்ளீனரை கண்டுபிடித்த ஹியூபர்ட் செசில் பூத்திற்கு டூடுள் வெளியிட்ட கூகுள்..!!

தூசுக்களை உறிஞ்சி அகற்றி நமது சுற்றுப்புறத்தை தூய்மையாக வைத்துக்கொள்ள உறுதுணையாக இருக்கும் கருவி வேக்யூம் க்ளினர். தற்போதைய காலங்களில் வேக்யூம் க்ளினர் இல்லாத வீடுகள், அலுவலகங்களே இல்லை என்று கூறலாம்.

இன்றைய காலகட்டத்தில் இன்றியமையாத உபயோக பொருளாக மாறிவிட்ட வேக்யூம் கிளீனர் 1901ம் ஆண்டில் பிரிட்டனில் கண்டுபிடிக்கப்பட்டது. அதை உருவாக்கியவர் ஹியூபர்ட் செசில் பூத்.

அமெரிக்காவில் தயாரிக்கப்பட்ட இயந்திரங்களுக்கான பொருட்காட்சி லண்டனில் நடைபெற்றது. அதனால் மிகவும் ஈர்க்கப்பட்ட பூத், விரைவிலேயே கண்டுபிடித்த கருவி தான் வேக்யூம் கிளீனர்.

அடிப்படையில் கட்டிட கலை பொறியாளரான பூத், இயல்பிலேயே இயந்திரங்கள் அது தொடர்பான செயல்பாடுகள் மீது அதிக ஆர்வம் கொண்டு இருந்தார்.

அந்த தாக்கத்தில் அவர் கண்டுபிடித்த வேக்யூம் க்ளீனர் தற்போது நாம் பயன்படுத்துவது போல கையடக்க கருவியாக இல்லை. மிகவும் பெரியதாக, தூக்குவதற்கே இரண்டு ஆட்கள் தேவைப்படும் வகையில் கணமாக இருந்தது.

காலமாற்றத்தால் இன்று கையடக்க நிலையில் மாறிவிட்ட வேக்யூம் க்ளீனர்களை இனி நாம் பயன்படுத்தும் போது ஹியூபர்ட் செசில் பூத்தை நினைவு கொள்வோமாக.