பிளிப்கார்ட், அமேசானுக்குப் போட்டியாக கூகுள் இணையதளம்!

இந்தியாவில் புதிதாக இணையதளம் மூலம் பொருட்களை விற்பனை செய்யும் இணையதளம் ஒன்றை உருவாக்க கூகுள் நிறுவனம் திட்டமிட்டுள்ளது.

இந்தியாவில் ஆன்லைன் ஷாப்பிங்கில் பெரும்பாலான வாடிக்கையாளர்களை பிளிப்கார்ட், அமேசான் ஆகிய நிறுவனங்கள் கவர்ந்துள்ளன. இந்நிலையில், அவற்றுக்குப் போட்டியாக புதிய நிறுவனம் ஒன்றைத் தொடங்க கூகுள் நிறுவனம் ஆலோசித்து வருகிறது.

கூகுள் நிறுவனத்தின் இந்த இணையதளம் அந்நிறுவனத்தின் புராடெக்ட் மேனேஜ்மெண் பிரிவு துணைத்தலைவர் சீசர் செங்குப்தா தலைமையில் தொடங்கும் என்று தெரிகிறது. 2018ஆம் ஆண்டு இறுதிக்குள் இதனை அறிமுகம் செய்யப்போவதாகவும் கூறப்படுகிறது.

சில நாட்களுக்கு முன் கூகுள் நிறுவனம் சீனாவைச் சேர்ந்த ஆன்லைன் ஷாப்பிங் இணையதளமான JD.com ல் 550 மில்லியன் டாலரை முதலீடு செய்திருக்கிறது. இதன் தொடர்ச்சியாக இந்தியாவில் புதிய ஆன்லைன் ஷாப்பிங்கைத் தொடங்குவது பற்றிய தகவல் வெளியாகியுள்ளது குறிப்பிடதக்கது.