வாட்ஸ்ஆப் ஆதிக்கம்: கூகுள் அல்லோ மூடப்படுவதாக அறிவிப்பு

பேஸ்புக் நிறுவனத்தின் வாட்ஸ் ஆப் சாட்டிங் அப்ளிகேஷன்களில் முதல் இடத்தில் உள்ளது. ஹைக், டெலிகிராம் போன்ற பிற அப்ளிகேஷன்கள் இருக்கும் நிலையிலும் வாட்ஸ் ஆப் உலக அளவில் அதிக ரசிகர்களைப் பெற்றுள்ளது.

வாட்ஸ் ஆப்பின் இந்த ஆதிக்கத்துக்கு முற்றுப்புள்ளி வைக்கும் கனவுடன் உருவானது கூகுள் அல்லோ. கடந்த 2016ஆம் ஆண்டு செப்டம்பரில் அறிமுகம் செய்யப்பட்டது.

சுமார் இரண்டரை ஆண்டுகள் கடந்த நிலையில் கூகுள் அல்லோ அப்ளிகேஷன் தனது சேவையை நிறுத்திக்கொள்வதாக கூகுள் நிறுவனம் அதிகாரப்பூர்வமாக அறிவித்துள்ளது. மார்ச் 2019 வரை அது பயன்பாட்டில் இருக்கும் என்றும் அதற்குள் பயனாளர்கள் அதிலிருந்து தங்கள் தரவுகளை பேக்அப் எடுத்துக்கொள்ளலாம் என்றும் கூறியுள்ளது.
கூகுளின் மற்றொரு சாட்டிங் அப்ளிகேஷனாக உள்ள ஹேங்அவுட்ஸ் விரைவில் தனது சேவையை முடித்துக்கொள்ளும் என்றும் கூறப்படுகிறது. ஏற்கெனவே தகவல் நியூயார்க் டைம்ஸ் இதழில் திருட்டு புகார் வந்ததைத் தொடர்ந்து கடந்த அக்டோபரில் கூகுள் பிளஸ் சமூக வலைத்தள சேவை நிறுத்தப்பட்டது குறிப்பிட்டத்தக்கது.