கூகுள் ஜிமெயிலில் இனி இந்த சிரமங்கள் இருக்காது! வந்து விட்டது புதிய வசதி!!

அனைவராலும் பயன்படுத்தப்பட்டு வரும் கூகுளின் ஜிமெயிலில் வரும் ஜூலை 2ம் தேதி முதல் Dynamic Email Feature என்ற வசதி கொண்டு வரப்படுகிறது. இதன் மூலம் சாதாரண மெசேஜ் போல் இமெயில் ரிப்ளே செய்ய முடியும்.

கூகுள் நிறுவனம் தனது பயனாளர்களுக்காக புதுபுது அப்டேட்டுக்களை வழங்கி வருகிறது. அந்த வகையில், தற்போது வரும் ஜூலை 2ம் தேதி முதல் ஜிமெயிலில் புதிய வசதி கொண்டு வரப்படுகிறது. இது ‘டைனாமிக் இமெயில்’ (Dynamic Email) என்று அழைக்கப்படுகிறது. இது பற்றி கூகுள் நிறுவனத்தின் சிஇஓ சில மாதங்களுக்கு முன்பே விளக்கமளித்திருந்தார்.
(WhatsApp புதிய அப்டேட்! இனி கண்னை மூடிக்கொண்டு மெசேஜ் அனுப்பலாம்)
இப்போது உள்ள ஜிமெயில் என்பது, ஒரு பிரவுசர் போல செயல்படுகிறது. ஏதாவது ஒரு மெயிலுக்கு ரிப்ளே அனுப்ப வேண்டுமென்றால், கம்ப்யூட்டரின் முழு ஸ்கீரினிலும் அந்த மெயில் தெரியும். அவ்வாறு இருக்கும் போது மற்ற மெயில்களை உடனே பார்ப்பது சிரமமாக இருப்பதாக கூறப்படுகிறது. குறிப்பாக இன்டர்நெட் வேகம் குறைவாக இருக்கும் பட்சத்தில், ஒரு மெயிலுக்கு ரிப்ளே அனுப்ப வேண்டுமென்றால், அந்த மெயில் தனியாக ஓபன் ஆகுவதற்கு தாமதமாகிறது. அதே போல், ரிப்ளே அனுப்பி விட்டு Back பட்டனை அழுத்தும் போது மீண்டும் இன்பாக்ஸ் வருவதற்கு சில நேரம் பிடிக்கிறது.
(இதையும் படியுங்க: Google Chrome மூலமாக பணத்தை பாதுகாப்பது எப்படி?)
இந்த நிலையில், ஜிமெயிலின் புதிய வசதி மூலம், இனி சாதாரண பேஸ்புக் மெசேஜ் சாட்டிங்கை போல், சுருக்கமான கட்டத்தில் ரிப்ளே செய்ய முடியும். உதாரணத்திற்கு ஒரு மெயில் வந்து விட்டது என்றால், வழக்கம் போல் அதை கிளிக் செய்ய வேண்டும். அப்போது திரை முழுவதும் அந்த மெயில் காட்டப்படாது. மாறாக சுருக்கமாக சிறிய அளவிலான Chat Box போன்று கீழே தோன்றும். அதில் ரிப்ளே செய்தாலே போதுமானது. இதன் மூலம் ஒரே நேரத்தில் மற்ற மெயில்களும் பார்த்துக் கொள்ளலாம், முக்கியமான மெயில்களுக்கு ரிப்ளேவும் செய்து கொள்ளலாம். ஏற்கனவே இது போன்ற வசதிகள் கூகுளின் Hangout இல் செயல்பட்டு வருகிறது என்பது குறிப்பிடத்தக்கது.

இந்த வசதி முதற்கட்டமாக கூகுள் பீட்டா வெர்ஷனில் கொண்டு வரப்பட்டுள்ளது. ஆண்ட்ராய்டு, ஐஓஎஸ், டெஸ்க்டாப் சாதனங்களில் விரைவில் கொண்டு வரப்படுகிறது. ஜிசூட் பயன்படுத்துபவர்களுக்கு இப்போதே இந்த வசதி பயன்படுத்த முடியும். மற்ற பயனாளர்கள் ஜூலை 2ம் தேதி முதல் பயன்படுத்தலாம்.