பெண்கள் தொழிலுக்கு உதவும் கூகுள் மேப்

கூகுள் மேப் பெண்களால் நடத்தப்படும் தொழிலுக்கு உதவும் வகையில் புதிய அம்சத்தைப் புகுத்தியுள்ளது.

பெண்கள் தினத்தை முன்னிட்டு கூகுள் நிறுவனம் கூகுள் மேப்ப்பில் புதிய அம்சத்தை அறிமுகம் செய்துள்ளது. இதில் கூகுள் மேப்பில் உள்ள ‘பெண்களால் நடத்தப்படும்’ தொழில் நிலையங்களுக்கு ‘Women-Led’ (பெண்களால் நடத்தப்படுவது) என்ற சிறப்புக் குறியீடு இடம்பெற்றுள்ளது.

இந்தக் குறியீட்டைப் பெற கூகுள் மை பிஸ்னஸ் (Google My Business) மூலம் பெண்கள் தங்கள் தொழிலைப் பதிவுசெய்ய வேண்டும். அப்போது அவர்களது தொழில் நிலையத்தைப் பற்றிய கூகுள் மேப் தகவலில் ‘Women-Led’ என்ற குறியீடும் சேர்க்கப்படும்.
பெண்கள் தொழிலை ஊக்குவிக்கும் முகமாக பெண்கள் தினத்தை முன்னிட்டு கூகுள் இந்த புதிய அம்சத்தை அறிமுகம் செய்திருப்பது பாராட்டுக்குரியது.