Google Pixel: கூகுள் பிக்சலின் அடுத்த வெளியீடு; இணையதளத்தில் லீக்கான படங்கள்!

வரும் அக்டோபர் 9ஆம் தேதி, கூகுள் நிறுவனத்தின் பிக்சல் 3 மற்றும் பிக்சல் 3XL ஸ்மார்ட்போன்கள் அறிமுகம் செய்யப்பட உள்ளன. இந்நிலையில் இந்த ஸ்மார்ட்போன்களின் லைவ் படங்கள் இணையத்தில் கசிந்துள்ளன. இதில் சிறிய கைரேகை சென்சார், டிஸ்பிளே நாட்ச், பெரிய சின் உள்ளிட்டவை இடம்பெற்றுள்ளன.

இதற்கான பிரத்யேக வயர்லெஸ் சார்ஜிங் டாக் அறிமுகம் செய்யப்படலாம் என்று கூறப்பட்டுள்ளது. வழக்கமான டூயல் டோன் கருப்பு வெள்ளை நிறங்களுக்கு மாற்றாக மிண்ட் நிறம் இடம்பெற்றுள்ளது.

பிக்சல் 3 மாடலைப் பொறுத்தவரை நாட்ச் இல்லாமல் 5.5 இஞ்ச் 2160x1080 பிக்சல் 18:9 டிஸ்பிளே, டூயல் முன்பக்க ஸ்பீக்கர், கிளாஸ் + மெட்டல் பேக், பின்புற கைரேகை சென்சார், ஸ்நாப்டிராகன் 845 பிராசசர், 4 ஜிபி ரேம், 64 ஜிபி/128 ஜிபி உள்ளடக்க மெமரி டூயல் 8.1 எம்பி செல்பி கேமரா, 2915 mAh பேட்டரி இருக்கலாம் என்று கூறப்படுகிறது.

பிக்சல் 3XL மாடலில் 6.2 இஞ்ச் 1440x2960 பிக்சல் 19:9 டிஸ்ப்ளே, நாட்ச், டூயல் முன்பக்க ஸ்பீக்கர், கிளாஸ் + மெட்டல் பேக், பின்புறம் கைரகை சென்சார், ஸ்நாப்டிராகன் 845 பிராசசர், 4 ஜிபி ரேம், 64 ஜிபி / 128 ஜிபி உள்ளடக்க மெமரி, டூயல் 8.1 எம்.பி. செல்ஃபி கேமரா, 3,430 mAh பேட்டரி, வயர்லெஸ் சார்ஜிங் வசதி வழங்கப்படும் என்று கூறப்படுகிறது.

Google's Pixel 3, Pixel 3 XL phones images leaked online.