செப். 18-ல் இருந்து "இந்த" அம்சம் YouTube-ல் அணுக கிடைக்காது! எந்த அம்சம்? ஏன்?

ஸ்க்ரோல் செய்து-செய்து ஃபேஸ்புக் சலித்து போனால், நம்மில் பெரும்பாலானோர்கள் செல்லும் மற்றொரு தளமாக யூட்யூப் திகழ்கிறது. கூகுள் நிறுவனத்தின் கீழ் கட்டுப்படுத்தப்படும் இந்த பிரபல Video-sharing website ஆனது, பயனர் அனுபவத்தை மேம்படுத்தும் பல அம்சங்களை இணைத்து வரும் மறுகையில் அவ்வபோது சில அம்சங்களை நீக்கியும் வருகிறது.

அப்படியாக, யூட்யூப் தளம் குறிப்பிட்ட ஒரு அம்சத்தை நீக்க உள்ளதாக அறிவித்துள்ளது. குறிப்பிட்ட அம்சம் ஆனது வருகிற செப்டம்பர் 18 ஆம் தேதி முதல் தளத்தில் அணுக கிடைக்காது, பயனர்களால் அதை பார்க்கவும் முடியாது. அதென்ன அம்சம்? ஏன் அது நீக்கப்படுகிறது? என்பதை பற்றி அறிய தொடர்ந்து படிக்கவும்.

உங்களுக்கு ஒரு நோட்டிபிக்கேஷன் வந்திருக்கும்!

யூட்யூப்பில் இருந்து இம்முறை நீக்கப்படவுள்ளது - Messages அம்சம் ஆகும். நீங்கள் உங்களின் யூட்யூப் சேனலின் இன்பாக்ஸை திறந்தால், அங்கே உங்களுக்கான ஒரு நோட்டிபிக்கேஷன் காட்சிப்படும். அந்த அறிவிப்பின் படி, இந்த அம்சம் செப்டம்பர் 18 ஆம் தேதி முதல் நிறுத்தப்படும்.



ஏன்? எதற்காக? என்பதை பற்றி மேலும் அறிந்துகொள்ள நோட்டிபிக்கேஷன் உடன் Learn More பொத்தான் ஒன்றும் உள்ளது. அதை க்ளிக் செய்வதன் மூலம் இந்த விஷயத்தை பற்றிய கூடுதல் தகவல்களை
நம்மால் அறிந்துகொள்ள முடிகிறது.

நேரடியான மற்றும் விரைவான வழியாக இருந்தது!

இந்த டைரக்ட் மெசேஜிங் அம்சம் ஆனது YouTube சேனலில் இருந்து நேரடியாக வீடியோக்களை பகிரவும், அதுபற்றி பேசுவதற்கும் அல்லது விவாதிப்பதற்குமான ஒரு விரைவான வழியாகும். இது தனிப்பட்ட மற்றும் க்ரூப் சாட்டிங்கையும் ஆதரிக்கிறது. கடந்த மே 2018 ஆண்டின் இறுதியில், இந்த அம்சம் பெரிய அளவிலான புதுப்பிப்புகளை பெற்றது, இருந்தும் கூட தற்போது இது நீக்கப்படவுள்ளது.

Size தான் 7MB ஆனால் அம்சங்களோ எக்கச்சக்கம்! கட்டாயம் டவுன்லோட் செய்ய வேண்டிய ஆப் இது!

நீக்கப்படுவதற்கான காரணம் என்ன?

ஒன்று - சரியாக பயன்படுத்தப்படவில்லை. சொல்லப்போனால் இப்படியொரு அம்சம் இருப்பதை இன்று தான் உங்களுக்கே தெரிய வந்து இருக்கலாம். இரண்டாவது - கூகுள் தனது பயனர்களை கமெண்ட்ஸ், போஸ்ட் மற்றும் ஸ்டோரீஸ் போன்றவைகளை பொதுவெளியில் நிகழ்த்த ஊக்குவிக்கவுள்ளது. சமீப காலமாக, யூட்யூப் அதன் பெரும்பாலான அப்டேட்களை அதன் YouTube Stories-ல் நிகழ்த்தியுள்ளதை இங்கே குறிப்பிட விரும்புகிறோம்.

அப்போது மொத்த மெசேஜ்களும் அவ்வளவு தானா? - இல்லை!

சப்போர்ட் பேஜ் வழியாக உங்கள் மெசேஜ்ககளின் காப்பியை எப்படி டவுன்லோட் செய்யலாம் என்கிற வழிமுறைகளை கூகுள் பகிர்ந்துள்ளது. ஆக, தங்களின் மெசேஜ்களை, சாட்களை இழக்க விரும்பாத பயனர்கள், அதை பதிவிறக்கம் செய்து கொள்ளலாம்.

WhatsApp Update: சத்தம்போடாமல் 4 புதிய அம்சங்களை அறிமுகம் செய்துள்ள வாட்ஸ்ஆப்!

யாருக்கெல்லாம் YouTube Stories கிடைக்கும்?

கூறப்படும் YouTube Stories ஆனது இன்னும் இன்ஸ்டாகிராம் மற்றும் ஸ்னாப்சாட் ஸ்டோரீஸ் போன்ற அனுபவத்தை வழங்கவில்லை என்றாலும் கூட, விரைவில் அது சாத்தியப்படும் என்று எதிர்பார்க்கலாம். இந்த யூட்யூப் ஸ்டோரீஸ் அம்சம் ஆனது அனைவர்க்கும் கிடைக்காது என்பதையும், இது 10,000 க்கும் மேற்பட்ட ஃபாலோயர்ஸ்களை கொண்ட பயனர்களுக்கு மட்டுமே கிடைக்கிறது என்பதும் குறிப்பிடத்தக்கது.

எப்போது அறிமுகம் ஆனது?

இந்த மெசேஜஸ் அம்சமானது கடந்த ஆகஸ்ட் 2017-ல் மொபைல் ஆப்ஸ்களில் அறிமுகம் செய்யப்பட்டது, பின்னர் இணையத்திற்க்குள்ள்ளும் புகுத்தப்பட்டது. சரியாக இரண்டு ஆண்டுகளுக்குப் பிறகு, தற்போது நீக்கப்படவுள்ளது.