இந்திய விலை நிர்ணயம் & விற்பனை:
ஹானர் 9 எக்ஸ் ஸ்மார்ட்போனின் அடிப்படை மாறுபாடான 4 ஜிபி + 128 ஜிபி வேரியண்ட் ஆனது ரூ.13,999 என்றும், அதன் ஹை எண்ட் மாறுபாடு ஆனது 6 ஜிபி + 128 ஜிபி வேரியண்ட் ஆனது ரூ.16.999 என்றும் விலை நிர்ணயம் செய்யப்பட்டுள்ளது. இந்த ஸ்மார்ட்போன் மிட்நைட் பிளாக் மற்றும் சபையர் ப்ளூ ஆகிய இரண்டு வண்ண விருப்பங்களில் வருகிறது, இது பிளிப்கார்ட் வழியாக ஜனவரி 19 ஆம் தேதி நள்ளிரவு 12 மணி முதல் இந்தியாவில் விற்பனைக்கு வரும்.
4000mAh பேட்டரி + 6.52-இன்ச் டாட் நாட்ச் டிஸ்பிளே! விலையை சொன்னா ஆளுக்கு 2 போன் வாங்குவீங்க!
அறிமுக சலுகைகள்:
முதல் நாள் விற்பனையின் போது "ஒரு குறிப்பிட்ட நேர சலுகையின்" ஒரு பகுதியாக ஹானர் 9 எக்ஸ் ஸ்மார்ட்போனின் 4 ஜிபி + 128 ஜிபி வேரியண்ட் மீது ரூ.1,000 என்கிற தள்ளுபடி அறிவிக்கப்பட்டுள்ளது. இது தவிர ஐ.சி.ஐ.சி.ஐ வங்கி கிரெடிட் கார்டு மற்றும் கோட்டக் மஹிந்திரா டெபிட் அல்லது கிரெடிட் கார்டைப் பயன்படுத்தி வாங்குபவர்களுக்கு 10 சதவீத தள்ளுபடி அறிவிக்கப்பட்டுள்ளது. இந்த சலுகை ஜனவரி 19 முதல் 2020 ஜனவரி 22 வரை செல்லுபடியாகும் என்பது குறிப்பிடத்தக்கது.
ஹானர் 9 எக்ஸ் டிஸ்பிளே & ப்ராசஸர்:
டூயல் சிம் (நானோ) ஆதரவு கொண்ட ஹானர் 9 எக்ஸ் ஆனது ஆண்ட்ராய்டு 9 பை அடிப்படையிலான கஸ்டம் EMUI 9.1 ஸ்கின் கொண்டு இயங்குகிறது. இது 6.59-இன்ச் அளவிலான ஃபுல்-எச்டி+ டிஸ்பிளேவை (1080 x 2340 பிக்சல்கள்) கொண்டுள்ளது. மேலும் இது 91 சதவிகிதம் ஸ்கிரீன்-டு-பாடி விகிதம் மற்றும் 391 பிபிஐ பிக்சல் அடர்த்தியையும் கொண்டுள்ளது. இது 6 ஜிபி வரை ரேம் உடனாக ஹைசிலிகான் கிரின் 710 எஃப் எஸ்ஓசி மூலம் இயக்கப்படுகிறது.
BSNL Wings எனும் புதிய சேவை அறிமுகம்; அம்பானி இதை கனவில் கூட நினைத்திருக்க மாட்டார்!
ஹானர் 9 எக்ஸ் கேமராக்கள்:
ஹானர் 9 எக்ஸ் ஸ்மார்ட்போனின் ட்ரிபிள் ரியர் கேமரா அமைப்பில் 48 மெகாபிக்சல் அளவிலான (எஃப் / 1.8) பிரதான கேமரா உள்ளது, இது ஏஐஎஸ் சூப்பர் நைட் மோட் ஆதரவுடன் வருகிறது. உடன் 120 டிகிரி பீல்ட் ஆப் வியூ கொண்ட 8 மெகாபிக்சல் அளவிலான வைட் அங்கிள் கேமரா + 2 மெகாபிக்சல் அளவிலான டெப்த் சென்சார் ஆகியவைகள் உள்ளன. செல்பீகள் மற்றும் வீடியோ அழைப்புகளுக்காக 16 மெகாபிக்சல் (எஃப் / 2.2) அளவிலான முன்பக்க கேமரா இருக்கிறது, இதுவொரு பாப்-அப் செல்பீ கேமரா ஆகும் என்பது குறிப்பிடத்தக்கது.
நோக்கியாவின் பொங்கல் பரிசு: Nokia Smart TV விற்பனை தொடங்கியது; ஒன்பிளஸ் டிவியை ஓரங்கட்டும் விலை!
ஹானர் 9 எக்ஸ் பேட்டரி மற்றும் இதர அம்சங்கள்:
மைக்ரோ எஸ்டி கார்டு வழியாக 512 ஜிபி வரை மெமரி நீட்டிப்பு ஆதரவு கொண்ட 128 ஜிபி அளவிலான உள்ளடக்க சேமிப்பகத்தை கொண்டுள்ளது. யூ.எஸ்.பி டைப்-சி போர்ட் வழியாக 10W சார்ஜிங் ஆதரவு கொண்ட ஒரு 4,000 எம்ஏஎச் பேட்டரி மூலம் சக்தியூட்டப்படுகிறது. இணைப்பு விருப்பங்களை பொறுத்தவரை, 4 ஜி எல்டிஇ, ப்ளூடூத் 4.2, வைஃபை 802.11 அ / பி / ஜி / என் / ஏசி, ஜிபிஎஸ், ஏ-ஜிபிஎஸ் மற்றும் க்ளோனாஸ் ஆகியவற்றை கொண்டுள்ளது. சென்சார்களை பொறுத்தவரை, கைரேகை சென்சார், காம்பஸ், ஆம்பியன்ட் லைட் சென்சார் மற்றும் கிராவிட்டி சென்சார் ஆகியவைகளை கொண்டுள்ளது. அளவீட்டில் ஹானர் 9X ஆனது 163.5 x 77.3 x 8.8 மிமீ மற்றும் 196.8 கிராம் எடையும் கொண்டுள்ளது.