மொபைல் நம்பரே இல்லாமல் ஜிமெயில் உருவாக்கலாம்!

கூகுள் ஜிமெயிலில் புதிதாக கணக்கு தொடங்க வேண்டுமென்றால், அதற்கு மொபைல் நம்பர் கட்டாயம் இருக்க வேண்டும் என்பது எல்லோரும் நன்கு அறிந்ததே. ஆனால், மொபைல் நம்பரே இல்லாமல் ஜிமெயில் தொடங்குவதற்கும் சில வழிகள் உள்ளன. இதற்கு ஆண்ட்ராய்டு போன் இருந்தால் மட்டுமே போதுமானது. ஸ்மார்ட்போன் இல்லாதவர்கள், கம்ப்யூட்டர் மூலமாகவும் ஜிமெயில் உருவாக்கலாம்.

எதற்கு போன் நம்பர்:
ஜிமெயில் பயன்படுத்துவதற்கு கூகுள் நிறுவனம், போன் நம்பரை கட்டாயமாக்கியிருப்பது ஒரு வகையில் நல்ல நோக்கம் தான். நம்முடைய ஜிமெயில் மூலம் தகவல்கள் திருடு போனாலோ அல்லது வேறு ஒருவர் முறைகேடாக நம்முடைய ஜிமெயிலை பயன்படுத்தினாலோ, போன் மூலமாக நமக்கு தெரிந்து விடும். இதே போல், வங்கிக்கணக்கு விபரங்கள், முக்கிய அலுவல் விவகாரங்கள் ஆகியவை போன் நம்பர் மூலமாகத்தான் கூகுள் நமக்கு தெரியப்படுத்த முடியும்.

(இதையும் படியுங்க: லேப்டாப் சூடாவதை தடுப்பது எப்படி? )

ஆண்ட்ராய்டு ஸ்மார்ட்போன்:-
ஆண்ட்ராய்டு இயங்குதளத்தின் தாயகமே கூகுள் தான். ஒருவர் எப்போது ஆண்ட்ராய்டு ஸ்மார்ட்போனை பயன்படுத்துகிறாரோ, அப்போதே அவர் கூகுளோடு இணைந்து விட்டார். எனவே, ஆண்ட்ராய்டு போன் மூலம் புதிதாக ஜிமெயில் கணக்கு தொடங்கினால், அது போன் நம்பரையே கேட்காது. இதற்கு முதலில் உங்கள் ஸ்மார்ட்போனில் பதிவாகியிருக்கும் கூகுள் கணக்குகள் (Google Account) அனைத்தையும் லாக் அவுட் செய்ய வேண்டும். இப்போது புதிதாக ஜிமெயில் தொடங்க வேண்டும். இவ்வாறு செய்தால், மொபைல் நம்பர் கேட்கப்படாது.

ரேண்டாம் போன் நம்பர் ஜெனரேட்டர்
ஆன்லைனில் Random Phone Number Generator என பல்வேறு இணையதளங்கள் உள்ளன. இதன் மூலம் புதிதாக நீங்களே ஒரு நம்பரை கிரியேட் செய்து விடலாம். ஆனால், இத்கைய நம்பர் ஆக்டிவாக இருக்காது. எனவே, இந்த மொபைல் நம்பருக்கு கால் செய்ய முடியாது. இதை கூட கூகுள் ஜிமெயில் கணக்கு தொடங்கும் போது கொடுக்கலாம்.

ஜிமெயிலில் புதிய வசதி:
இப்போது உள்ள ஜிமெயில் என்பது, ஒரு பிரவுசர் போல செயல்படுகிறது. ஏதாவது ஒரு மெயிலுக்கு ரிப்ளே அனுப்ப வேண்டுமென்றால், கம்ப்யூட்டரின் முழு ஸ்கீரினிலும் அந்த மெயில் தெரியும். அவ்வாறு இருக்கும் போது மற்ற மெயில்களை உடனே பார்ப்பது சிரமமாக இருப்பதாக கூறப்படுகிறது. குறிப்பாக இன்டர்நெட் வேகம் குறைவாக இருக்கும் பட்சத்தில், ஒரு மெயிலுக்கு ரிப்ளே அனுப்ப வேண்டுமென்றால், அந்த மெயில் தனியாக ஓபன் ஆகுவதற்கு தாமதமாகிறது. அதே போல், ரிப்ளே அனுப்பி விட்டு Back பட்டனை அழுத்தும் போது மீண்டும் இன்பாக்ஸ் வருவதற்கு சில நேரம் பிடிக்கிறது.

(இதையும் படியுங்க: Google Chrome மூலமாக பணத்தை பாதுகாப்பது எப்படி?)

ஜிமெயிலின் புதிய வசதி மூலம், இனி சாதாரண பேஸ்புக் மெசேஜ் சாட்டிங்கை போல், சுருக்கமான கட்டத்தில் ரிப்ளே செய்ய முடியும். உதாரணத்திற்கு ஒரு மெயில் வந்து விட்டது என்றால், வழக்கம் போல் அதை கிளிக் செய்ய வேண்டும். அப்போது திரை முழுவதும் அந்த மெயில் காட்டப்படாது. மாறாக சுருக்கமாக சிறிய அளவிலான Chat Box போன்று கீழே தோன்றும். அதில் ரிப்ளே செய்தாலே போதுமானது. இதன் மூலம் ஒரே நேரத்தில் மற்ற மெயில்களும் பார்த்துக் கொள்ளலாம், முக்கியமான மெயில்களுக்கு ரிப்ளேவும் செய்து கொள்ளலாம். ஏற்கனவே இது போன்ற வசதிகள் கூகுளின் Hangout இல் செயல்பட்டு வருகிறது என்பது குறிப்பிடத்தக்கது.
(QR Code மூலமாக வைஃபை கனெக்ட் செய்வது எப்படி?)