தொடர்ந்து 45 நாள் சார்ஜ் நிற்கும் அட்டகாசமான ஸ்மார்ட்வாட்ச்!

45 நாட்கள் பேட்டரி சார்ஜ் நீடித்து நிற்கும் ஸ்மார்ட்வாட்ச் ஒன்றை ஹூவாமி நிறுவனம் அறிமுகம் செய்துள்ளது. இதில் கிளியர் டிஸ்ப்ளே, இதய துடிப்பு உணர் கருவி என பல்வேறு சிறப்பம்சங்கள் உள்ளன.

சாதாரண வாட்சை விட ஸ்மார்ட்வாட்ச் அணிந்து கொள்ளும் பழக்கம் இளைஞர்கள் மத்தியில் அதிகரித்து வருகிறது. இளைஞர்கள் மட்டும் இல்லாமல், முதியோர்களுக்கும் இது பயன்படும் வகையில் பல பயன்களை ஸ்மார்ட்வாட்ச் வழங்குகிறது. அந்த வகையில், தற்போது எம்.ஐ நிறுவனத்தின் துணை பிராண்டானஹூவாமி நிறுவனம் புதிதாக ‘அமேஸ் ஃபிட்’ Amazfit Bip Lite என்ற ஸ்மார்ட்வாட்ச்சை அறிமுகம் செய்துள்ளது.

அமேஸ் ஸ்மார்ட்வாட்சை ஒரு முறை சார்ஜ் ஏற்றி விட்டால் போதும். 45 நாட்கள் வரையில் சார்ஜ் தொடர்ந்து நீடித்து நிற்கும். இதில் 1.28 இன்ச் அளவு குட்டி திரை டிஸ்ப்ளேயாக செயல்படுகிறது. மேலும, இதய துடிப்பை உணரக்கூடிய சென்சார்களும் புகுத்தப்பட்டுள்ளது. எனவே, இப்போது நம்முடைய இதய துடிப்பு எவ்வாறு இயங்குகிறது என்பதை அறியலாம். வாக்கிங், ஜாக்கிங், ஸ்போர்ட்ஸ் போன்றவற்றில் ஈடுபடுபவர்களுக்கு இது மிகவும் பயனுள்ளதாக அமையும்.

ஆண்ட்ராய்டு, ஐஓஎஸ் என இரண்டு இயங்குதளங்களிலும் அமேஸ் ஸ்மார்ட்வாட்ச் உள்ளது. மேலும், ஏதேனும் ஆப் நோட்டிபிக்கேஷன் வந்தால் கூட அதை உடனுக்குடன் தெரிவித்து விடும். இதே போல், மொபைல் போனுடன் கனெக்ட் செய்யப்பட்டிருக்கும் போது, நமது போனில் வாய்ஸ் கால், எஸ்எம்எஸ் வந்தால், அத்தகைய நோட்டிபிகேஷன்களும் உடனுக்குடன் வந்து விடும்.

இதய துடிப்பு உணருவதற்காக PPG சென்சார் உள்ளது. அதே போல், ஆஸிலோமீட்டர், பேரோமீட்டர், காம்பஸ் சென்சார்களும் உள்ளது.வரும் 15ம் தேதி முதல் ஹூவாமி அமேஸ் ஸ்மார்ட்வாட்ச் விற்பனைக்கு வருகிறது. விலை 3,999 ரூபாய் என்று நிர்ணயிக்கப்பட்டுள்ளது. வாடிக்கையாளர்கள் இதனை அமேசான் ஆன்லைன் ஷாப்பிங்கில் வாங்கலாம்.

இதையும் பார்க்க: ஸ்மார்ட்போனில் உள்ள சென்சார்களை அறிய இங்கு க்ளிக் செய்யவும்.