ரூ. 179க்கு அன்லிமிட்டெட் சேவையை அளிக்கும் ஐடியா

ஐடியா நிறுவனத்தின் புதிய திட்டத்தில் வாடிக்கையாளர்களுக்கு அன்லிமிட்டெட் வாய்ஸ் கால் மற்றும் 1 ஜிபி டேட்டா உள்ளிட்டவை வழங்கப்படுகிறது.

ஐடியா செல்லுலார் நிறுவனத்தின் பிரீபெயிட் வாடிக்கையாளர்களுக்கு அன்லிமிட்டெட் அழைப்புகளை வழங்கும் புதிய திட்டம் அறிவிக்கப்பட்டுள்ளது. ரூ.179க்கு வழங்கப்படும் புதிய திட்டத்தில் 1 ஜிபி டேட்டா வழங்கப்படுகிறது.

முன்னதாக வோடபோன் நிறுவனமும் இதே போன்ற சலுகைகள் நிறைந்த திட்டத்தை ரூ.177க்கு வழங்குவதாக அறிவித்தது. ஐடியா நிறுவனத்தின் 60 கோடி வாடிக்கையாளர்களுக்கு அன்லிமிட்டெட் வாய்ஸ் கால் மட்டும் பயன்படுத்த விரும்புவோருக்காக வழங்கப்பட்டுள்ளது என ஐடியா தெரிவித்துள்ளது.

அனைத்து விதமான ஸ்மார்ட்போன் பயன்படுத்தும் ஐடியா நிறுவன பிரீபெயிட் வாடிக்கையாளர்களுக்கு இந்த திட்டம் வழங்கப்படுகிறது. இத்துடன் இந்த திட்டத்தை மைஐடியா செயலி மூலம் ரீசார்ஜ் செய்யும் போது கூடுதலாக 1 ஜிபி டேட்டா வழங்கப்படும் என அறிவிக்கப்பட்டுள்ளது. இந்த திட்டத்தின் வேலிடிட்டி 28 நாட்கள் ஆகும்.

வோடபோன் அறிவித்த ரூ.177 திட்டத்தில் அன்லிமிட்டெட் வாய்ஸ் கால் மற்றும் 1 ஜிபி டேட்டா வழங்கப்படுகிறது. நாட்டின் முன்னணி டெலிகாம் நிறுவனமாக உருவெடுக்க வோடபோன் மற்றும் ஐடியா நிறுவனங்கள் இணைய இருக்கின்றன. அந்த வகையில் ஏர்டெல் மற்றும் ஜியோ நிறுவனத்தை பின்னுக்குதள்ளி முதலிடம் பிடிக்கும்.

முன்னதாக ரூ.357 திட்டத்தில் ஐடியா தனது வாடிக்கையாளர்களுக்கு தினமும் 1 ஜிபி டேட்டா, தினமும் 100 எஸ்.எம்.எஸ்., அன்லிமிட்டெட் வாய்ஸ் கால் உள்ளிட்டவை 28 நாட்களுக்கு வழங்கப்படுகிறது. இதே போன்று டெல்லிவாசிகளுக்கு மட்டும் 498 திட்டத்தில் தினமும் 1 ஜிபி டேட்டா மற்றும் அன்லிமிட்டெட் வாய்ஸ் கால் உள்ளிட்டவை 70 நாட்களுக்கு வழங்கப்படுகிறது.