வோடபோன் - ஐடியா இணைப்பு: புதிய பெயரில் களமிறங்க திட்டம்

வோடபோன், ஐடியா ஆகிய தொலைத்தொடர்பு நிறுவனங்கள் இணைக்கப்படுவதைத் தொடர்ந்து புதிய பெயரில் மீண்டும் அறிமுகம் செய்யப்படும் என்று தெரிகிறது.

ஐடியா மற்றும் வோடபோன் ஆகிய நிறுவனங்கள் இணைய ஒப்பந்தம் செய்யப்பட்டுள்ளது. இந்த ஒப்பந்தத்தின் நிறைவாக ஐடியா செல்லுலர் நிறுவனத்தின் பெயர் மாற்றப்படும் என்று தகவல் வெளியாகியுள்ளது.

ஐடியா செல்லுலர் லிமிட்டட் என்ற பெயர் வோடபோன் ஐடியா லிமிட்டட் என்று மாற்ற முடிவுசெய்யப்பட்டுள்ளதாகத் தகவல் வெளியாகியுள்ளது. இதற்காக ஒப்புதல் பெறுவதற்கான பொதுக்கழுக் கூட்டம் ஜூன் 26ஆம் தேதி நடைபெற உள்ளது.

இரு நிறுவனங்களின் இணைப்புக்கு தொலைத் தொடர்புத்துறையின் ஒப்பதல் கிடைப்பது கடைசி கட்டத்தில் உள்ளது என்றும் தெரிகிறது.

இந்த ஐடியா - வோடபோன் இணைப்பின் மொத்த மதிப்பு 23 பில்லியன் டாலர் ஆகும். இந்தியாவில் 35% வாடிக்கையாளர்களைத் தன்வசம் கொண்ட இவ்விரு நிறுவனங்கள் இணைவது நாட்டிலேயே பெரிய தொலைத்தொடர்பு நிறுவனத்தையும் உருவாக்கிறது.