பேஸ்புக்கிற்கு தடையா? சொந்தமாக Elyments எனும் சோஷியல் மீடியா ஆப்பை அறிமுகம் செய்த இந்தியா!

இந்தியா தனது சொந்த புதிய சோஷியல் மீடியா ஆப்பை அறிமுகப்படுத்தியுள்ளது - அது எலிமென்ட்ஸ் (Elyments) ஆகும். சோஷியல் மீடியா சூப்பர் ஆப் என்று "கூறப்படும்" இது முழுக்க முழுக்க 100 சதவிகிதம் உள்நாட்டிலேயே உள்ளது மற்றும் 1,000 க்கும் மேற்பட்ட ஐ.டி தொழில் வல்லுநர்களால் உயிர்ப்பிக்கப்படுகிறது.

எலிமென்ட்ஸ் ஆப் இப்போது கூகுள் பிளே ஸ்டோர் மற்றும் ஆப்பிள் ஆப் ஸ்டோரில் டவுன்லோட் செய்ய கிடைக்கிறது. எலிமென்ட்ஸ் என்பது பல சோஷியல் மீடியா ஆப்களின் அம்சங்களை ஒரே தளமாக இணைக்கும் ஒரு சமூக ஊடக பயன்பாடு ஆகும். அதாவது இன்ஸ்டன்ட் மெசெஞ்சர் ஆப் மற்றும் வாய்ஸ் மற்றும் வீடியோ அழைப்புகளுக்கான டூல்கள் போன்ற டூல்களை ஒன்றாக இணைக்கும் ஒரு ஆப் ஆகும்.

தடைசெய்யப்பட்ட ஒவ்வொரு சீன ஆப்பிற்கும் சரியான மாற்று ஆப்ஸ்; இதோ முழு லிஸ்ட்!

வெளிப்படையாக சொல்ல வேண்டும் என்றால், நாம் ஏற்கனவே பயன்படுத்தி பழக்கப்பட்ட பிரபலமான சமூக ஊடக பயன்பாடுகளின் அம்சங்களை ஒன்றிணைத்து இது உருவாக்கப்பட்டுள்ளது.

எலிமென்ட்ஸ் ஆப் ஆனது ப்ரைவஸி மீது அதாவது தனியுரிமை மீது அதிக கவனம் செலுத்துகிறது:

பயனரின் தனியுரிமையை மனதில் வைத்து எலிமெண்ட்ஸ் கட்டப்பட்டுள்ளது. நாட்டின் சிறந்த தனியுரிமை வல்லுநர்கள் இந்த ஆப்பின் தயாரிப்பு வடிவமைப்பை வழிநடத்தி வருகின்றனர். எனவே, பயனர்களின் தகவல்கள் இந்தியாவில் மட்டுமே சேமிக்கப்படுகிறது மற்றும் பயனர்களை பற்றிய தகவல்கள் ஒருபோதும் மூன்றாம் தரப்பினருடன், பயனரின் வெளிப்படையான அனுமதியின்றி பகிரப்படாது.

பிற நாடுகளில் உள்ள ஏராளமான சமூக ஊடக ஆப்கள் தனியுரிமையின் பல்வேறு குறைபாடுகளை சந்திக்கும் இந்நேரத்தில், இந்த ஆப் ப்ரைவஸியை பிரதானமாக கொண்டு வெளிவந்துள்ளது, வரவேற்கத்தக்கது.

இந்த பயன்பாடு எட்டுக்கும் மேற்பட்ட இந்திய மொழிகளில் கிடைக்கும். மற்றும் எலிமென்ட்ஸ் ஆப் பல மாதங்களாக 1000 க்கும் மேற்பட்டவர்களால் கூட்டமாக சோதனை செய்யப்பட்டது. 200,000 க்கும் மேற்பட்டோர் ஏற்கனவே பதிவிறக்கம் செய்து இந்த ஆப்பை பயன்படுத்துகின்றனர்.

மேலும் 25 ஆப்களை தடை செய்த கூகுள்; உடனே டெலிட் செய்யச்சொல்லி எச்சரிக்கை; இதோ முழு லிஸ்ட்!

வரவிருக்கும் வாரங்களில், எலிமென்ட்ஸ் கூடுதலாக சில அம்சங்களையும் அறிமுகப்படுத்த திட்டமிட்டுள்ளது. ஆடியோ / வீடியோ அழைப்புகள், பாதுகாப்பான பேமன்ட்ஸ்களுக்கான இன்டர்பேஸ் மற்றும் பின்தொடரக்கூடிய அல்லது குழுசேரக்கூடிய பப்ளிக் ப்ரொபைல் இதில் அடங்கும். இதில் இந்திய பிராண்டுகள் மற்றும் பிராந்திய வாய்ஸ் கண்ட்ரோல்களை மேம்படுத்த ஒரு க்யூரேட்டட் வர்த்தக தளமும் இருக்கும்.