வெறும் ரூ.399 க்கு 100Mbps ஸ்பீட்; ரூ.499 க்கு 300Mbps ஸ்பீட்; வேற என்ன வேணும்?

பயனர்களுக்கு வரம்பற்ற டேட்டாவை வழங்கும் பிராட்பேண்ட் மற்றும் ஃபைபர் திட்டங்களுக்கான மெகா சேல் -இன் ஒரு பகுதியாக, இணைய சேவை வழங்குநர் (ஐஎஸ்பி) ஆன எக்ஸிடெல் (Excitel) நிறுவனம் 300 எம்.பி.பி.எஸ் வரையிலான இணைய வேகத்தை வழங்கும் திட்டத்தினை வெறும் ரூ.499 க்கு அறிவித்துள்ளது.

கடைசிகட்டத்தில் Amazon, Flipkart-இல் தீபாவளி விற்பனை; மொபைல்கள் மீது ஆபர் மழை; இதோ லிஸ்ட்!

வழக்கமாக இந்நிறுவனம் அதன் 100 எம்.பி.பி.எஸ் வேகத்தை வழங்கும் திட்டத்தை ரூ.699 க்கும், 200 எம்.பி.பி.எஸ் வேகத்தினை வழங்கும் திட்டத்தை ரூ.849 க்கும் மற்றும் 300 எம்.பி.பி.எஸ் என்கிற வேகத்தினை வழங்கும் திட்டத்தை ரூ.999 க்கும் வழங்கும்.

Flipkart Buyback உத்திரவாதம் என்றால் என்ன? Oppo A33-ஐ ரூ.3,597 வாங்குவது எப்படி?

ஆனால், பிராட்பேண்ட் மெகா விற்பனை சலுகையின் கீழ், எக்ஸிடெல் அதன் 100 எம்.பி.பி.எஸ் டேட்டா பிளானை வெறும் ரூ.399 க்கும், அதன் 300 எம்.பி.பி.எஸ் டேட்டா பிளானை ரூ.499 க்கும் வழங்குகிறது.

"எங்கள் திட்டங்கள் அனைத்தும் எந்தவிதமான FUP அல்லது டேட்டா பயன்பாட்டில் எந்த தடையும் இல்லாமல் உண்மையிலேயே வரம்பற்றவை, மிகவும் விசித்திரமாக இதுபோன்ற சலுகைகளை வேறு எந்த இணைய சேவை வழங்குநரும் வழங்கவில்லை, இன்னும் சொல்லப்போனால் இதை எல்லோரும் செய்ய வேண்டும்" என்று எக்ஸிடெல் இணை நிறுவனர் மற்றும் தலைமை நிர்வாக அதிகாரி விவேக் ரெய்னா ஒரு அறிக்கையில் தெரிவித்துள்ளார்.

டெல்லி-என்.சி.ஆர், ஹைதராபாத், பெங்களூரு, விஜயவாடா, கான்பூர், லக்னோ, ஜெய்ப்பூர், பிரயாகராஜ், ஜான்சி, உன்னாவ், விசாகப்பட்டினம் மற்றும் குண்டூர் உள்ளிட்ட 12 நகரங்களில் இந்நிறுவனத்தின் சேவை அணுக கிடைக்கிறது. மேலும் 2021 ஆம் ஆண்டின் இறுதிக்குள் 50 க்கும் மேற்பட்ட நகரங்களில் தனது பிராட்பேண்ட் சேவைகளை வழங்க இந்நிறுவனம் முயல்கிறது.

எக்ஸிடெலின் பிற திட்டங்களை பொறுத்தவரை, மூன்று மாதங்கள் என்கிற செல்லுபடியின் கீழ் 100 எம்.பி.பி.எஸ், 200 எம்.பி.பி.எஸ் மற்றும் 300 எம்.பி.பி.எஸ் என்கிற இணைய வேகத்தினை வழங்கும் திட்டங்கள் முறையே ரூ.565, ரூ.638 மற்றும் ரூ.752 க்கு அணுக கிடைக்கின்றன.