வந்து விட்டது ஐபோன் XS மேக்ஸ்.. விலை ஜஸ்ட் 1,34,900 ரூபாய் தான்..!

ஆப்பிள் வாடிக்கையாளர்கள் நீண்ட நாட்களாக எதிர்பார்த்த ஐபோன் XS மற்றும் XS மேக்ஸ் இந்தியாவில் விற்பனைக்கு வந்துள்ளது. அவற்றின் விலை மற்றும் சிறப்பம்சங்கள் குறித்த விபரங்களை இங்கு காணலாம்

ஆப்பிள் நிறுவனத்தின் ஐபோன் XS மற்றும் XS மேக்ஸ் போனிற்கான முன்பதிவு கடந்த செப்டம்பர் 21ம் தேதி தொடங்கியது. ஆப்பிள் ஷோரூம் மற்றும் ஆன்லைன் மூலம் ஏராளமானோர் முன்பதிவு செய்தனர். அண்மைக்காலமாக புதிய ஐபோன்களுக்கு எந்தவித ஆஃபர்களும் அறிவிக்கப்படாமலே இருந்து வந்தது. ஆனால், இம்முறை வாடிக்கையாளர்களை குஷிப்படுத்தும் விதமாக சிறுசிறு அளவில் நடைமுறை மாற்றம் செய்து, ஆஃபர்கள் அறிவிக்கப்பட்டுள்ளது. அதன்படி, ஐபோன் XS மற்றும் ஐபோன் XS மேக்ஸ் வாங்கும் வாடிக்கையாளர்களுக்கு 5% கேஷ்பேக் ஆஃபர் வழங்கப்படுகிறது. இஎம்ஐ மூலம் ஐபோன் வாங்குவர்களுக்கு இந்த கேஷ்பேக் ஆஃபர் பொருந்தாது.

இதே போல், ஐபோன் என்றாலே சிங்கிள் சிம் தான் என்ற நிலை தான் இதுவரை இருந்து வந்தது. தற்போது அதுவும் மாறி, இம்முறை ஐபோன் XS, XS மேக்ஸில் டூயல் சிம் கார்டு வசதி ஏற்படுத்தப்பட்டுள்ளது. ஆனால், இதிலும் ஒரு குறை உள்ளது. டூயல் சிம் கார்டு வசதி ஏர்டெல் போஸ்பெய்டு வாடிக்கையாளர்களும், ஜியோ வாடிக்கையாளர்கள் மட்டுமே பயன்படுத்திக் கொள்ள முடியும்.

இந்தியாவில் ஆப்பிள் ஐபோன் XS 64ஜிபி ஸ்மார்ட்போனின் விலை 99,900 ரூபாய் என்றும், 256 ஜிபி போனின் விலை1,14,900 ரூபாய் என்றும், 512 ஜிபி போனின் விலை 1,34,900 ரூபாய் என்றும் நிர்ணயிக்கப்பட்டுள்ளது.

ஐபோன் XS மேக்ஸ் இல் உள்ள அடிப்படை சிறப்பம்சங்கள்:

மெமரி: 64 Gb,256 Gb, 512 Gb
டிஸ்ப்ளே 6.50 இன்ச் 1242x2688 பிக்சல்
கேமரா: 12-megapixel + 12-megapixel
பிராசசர் hexa-core
ஆப்ரேட்டிங் சிஸ்டம்: iOS 12

ஐபோன் XS இல் உள்ள அடிப்படை சிறப்பம்சங்கள்:

மெமரி: 64 Gb,256 Gb, 512 Gb
டிஸ்ப்ளே 5.80 இன்ச் 1125x2436 பிக்சல்
கேமரா:
முன்புற கேமரா 7 மெகா பிக்சல்
பின்புற கேமரா: 12 + 12 மெகா பிக்சல்
பிராசசர் hexa-core
ஆப்ரேட்டிங் சிஸ்டம்: iOS 12