5G ஆதரவு + 48MP ட்ரிபிள் ரியர் கேம் உடன் iQOO Neo 3 அறிமுகம்!

விவோ நிறுவனத்தின் iQOO பிராண்ட் சீனாவில் iQOO Neo 3 5G எனும் புதிய ஸ்மார்ட்போனை அறிமுகம் செய்துள்ளது. இந்த புதிய iQOO ஸ்மார்ட்போனின் 6 ஜிபி + 128 ஜிபி வேரியண்ட் ஆனது இந்திய மதிப்பின்படி தோராயமாக ரூ.29,011 க்கும், இதன் 8 ஜிபி + 128 ஜிபி வேரியண்ட் ஆனது சுமார் ரூ.32,230 க்கும் மற்றும் இதன் 12 ஜிபி + 256 ஜிபி வேரியண்ட் ஆனது ரூ.35,450 க்கும் அறிமுகம் ஆகியுள்ளது.

கடைசியாக இதன் 8 ஜிபி + 256 ஜிபி கொண்ட டாப் எண்ட் மாடலானது சுமார் ரூ.36,545 என்கிற விலை நிர்ணயத்தை பெற்றுள்ளது. இது ஸ்கை ப்ளூ மற்றும் ப்ளூ பிளாக் வண்ணங்களில் வருகிறது.

அம்சங்களை பொறுத்தவரை, iQOO நியோ 3 ஆனது 6.57 இன்ச் அளவிலான புல் எச்டி+ எல்சிடி டிஸ்ப்ளேவை கொண்டுள்ளது. இது 2408 × 1080 பிக்சல்கள் தீர்மானம், 20: 9 திரை விகிதம், எச்டிஆர் 10+ ஆதரவு, 144 ஹெர்ட்ஸ் ரெஃப்ரெஷ் ரேட் விகிதம் ஆகியவைகளை கொண்டுள்ளது. இது 2.84GHz ஆக்டா-கோர் ஸ்னாப்டிராகன் 865 7nm ப்ராசஸர் உடனாக அட்ரினோ 650 ஜி.பீ.யு கொண்டு இயக்கப்படுகிறது.

இது ஆண்ட்ராய்டு 10 அடிப்படையிலான iQOO UI 1.0 கொண்டு இயங்குகிறது. இந்த ஸ்மார்ட்போன் 4500mAh பேட்டரி திறன் கொண்டது, மேலும் இது 44W சூப்பர் ஃப்ளாஷ் சார்ஜ் 2.0 பாஸ்ட் சார்ஜிங் ஆதரவினை கொண்டுள்ளது. இது 20 நிமிடங்களில் 50% சார்ஜ் செய்யும் என்றும், 58 நிமிடங்களில் 100% வரை சார்ஜ் செய்யும் என்றும் ஐக்யூ நிறுவனம் கூறுகிறது. பாதுகாப்பிற்காக, iQOO நியோ 3 5ஜி ஸ்மார்ட்போனில் பக்கவாட்டில் உட்பொதிக்கப்பட்ட கைரேகை சென்சார் உள்ளது.

கேமரா துறையைப் பொறுத்தவரை, iQOO நியோ 3 5ஜி ஸ்மார்ட்போன், சோனி ஐஎம்எக்ஸ் 582 சென்சார், எஃப் / 1.79 லென்ஸ், எல்இடி ஃபிளாஷ், ஈஐஎஸ் கொண்ட 48 எம்பி மெயின் கேமரா + எஃப் / 2.2 லென்ஸ் கொண்ட 8 மெகாபிக்சல் 120 ° அல்ட்ரா-வைட் சென்சார் + எஃப் / 2.4 லென்ஸ் கொண்ட 2 மெகாபிக்சல் மேக்ரோ சென்சார் என்கிற ட்ரிபிள் கேமரா அமைப்புடன் வருகிறது. முன்பக்கத்தை பொறுத்தவரை, இதில் ஒரு 16 மெகாபிக்சஸ் (எஃப் / 2.0) செல்பீ கேமரா உள்ளது.

iQOO நியோ 3 5ஜி ஸ்மார்ட்போன் ஆனது அளவீட்டில் 163.71 x 75.55 x 8.93 மிமீ மற்றும் 198.1 கிராம் எடையும் கொண்டுள்ளது. ஹை-ஃபை ஆடியோ சிப் மற்றும் 3.5 மிமீ ஆடியோ ஜாக் பொருத்தப்பட்டுள்ள இந்த ஸ்மார்ட்போனின் இணைப்பு ஆதரவுகளை பொறுத்தவரை, இதில் 5ஜி எஸ்ஏ / என்எஸ்ஏ, டூயல் 4ஜி வோல்டிஇ, வைஃபை 6 802.11 ஏஎக்ஸ், ப்ளூடூத் 5.1, ஜிபிஎஸ் / க்ளோனாஸ், யூ.எஸ்.பி டைப்-சி போன்றவைகள் உள்ளன.