Jio vs Airtel: எது சிறந்த 4ஜி நெட்வொர்க்கை கொண்டுள்ளது? வெளியானது TRAI அறிக்கை!

முகேஷ் அம்பானி தலைமையிலான ரிலையன்ஸ் ஜியோவின் அறிமுகம் இந்திய டெலிகாம் துறையில் எப்படிப்பட்ட அதிர்வலைகளை உருவாக்கியது? அதன் பின்னர் எம்மாதிரியான 4ஜி தளம் அமைக்கப்பெற்றது? 1 ஜிபி அளவிலான 4ஜி டேட்டாவின் விலை எந்த அளவிற்கு வீழ்ச்சி அடைந்தது?

எந்தந்த நிறுவனங்கள் எல்லாம் காணாமல் போனது? யாரெல்லாம் சுதாரித்துக் கொண்டு போட்டி போட்டுக் கொண்டு இருக்கிறார்கள்? என்பதை பற்றியெல்லாம் போதுமான அளவு நாம் பேசி விட்டோம். இந்த கட்டத்தில் நாம் பேச வேண்டியதெல்லாம் - எந்த நிறுவனம் சிறந்த 4 ஜி நெட்வார்க்கை கொண்டுள்ளது என்பதை பற்றி மட்டுமே!

எந்த நிறுவனத்தின் சேவையை தேர்வு செய்வது?

ஏனெனில் அரசாங்கத்திற்கு சொந்தமான பி.எஸ்.என்.எல் நிறுவனம் கூட பார்தி ஏர்டெல் மற்றும் ரிலையன்ஸ் ஜியோவிற்கு இணையான விலை நிர்ணயம் கொண்ட திட்டங்கள் மற்றும் நன்மைகளை கொண்டுள்ளது.

ஆக எந்த திட்டத்தை தேர்வு செய்வது என்பதில் அதிக குழப்பம் தேவையில்லை, மாறாக எந்த நிறுவனத்தின் சேவையை தேர்வு செய்வது என்பதில் தான் இருக்கிறது நிஜமான குழப்பம்!

Airtel Rs.599: ரூ.4 லட்சத்திற்கு Life Insurance + தினமும் 2GB டேட்டா; கலக்கும் ஏர்டெல்!

விடையளிக்கும் டிராய் அறிக்கை!

அந்த குழப்பத்திற்கு எளிமையான தீர்வை வழங்கும் படி, இந்திய தொலைத்தொடர்பு ஒழுங்குமுறை ஆணையமான டிராய் ஒரு அறிக்கையை வெளியிட்டுள்ளது. அந்த அறிக்கையின் வழியாக, இந்தியாவின் சிறந்த 4ஜி நெட்வெர்க்கை கொண்டுள்ள நிறுவனம் எது? என்பதை வெளிப்படுத்தப்பட்டுள்ளது.

யார் பெஸ்ட்?

வெளியான தரவுகளின்படி, ரிலையன்ஸ் ஜியோ நிறுவனத்திடம் 7.46 லட்சத்துக்கும் மேற்பட்ட 4ஜி பேஸ் ஸ்டேஷன்கள் உள்ளன. ஆகையால் முகேஷ் அம்பானி தலைமையிலான ரிலையன்ஸ் ஜியோ தான் நாட்டின் சரிந்த 4ஜி வலையமைப்பைக் கொண்ட நிறுவனமாகிறது.

அப்போது பார்தி ஏர்டெல்?

மறுகையில் உள்ள பாரதி ஏர்டெல் நிறுவனத்தின் 4 ஜி கவரேஜ் ஆனது ரிலையன்ஸ் ஜியோவை விட பாதிக்கும் குறைவாகவே உள்ளது. இருப்பினும் செப்டம்பர் 2017 முதல் ஏர்டெல் அதன் நெட்வொர்க்கை மூன்று மடங்கிற்கும் மேலாக விரிவுபடுத்தியுள்ளது.

ஜியோவின் அசுர வளர்ச்சி!

மொபைல் அழைப்பு நிறுத்தக் கட்டணங்களை முடிவுக்குக் கொண்டு வருவதற்கான காலக்கெடுவை மறுஆய்வு செய்வதற்கான ஆலோசனைக் கட்டுரையில் டிராய் வெளியிட்டுள்ள தகவல்களின்படி, ஜியோ நிறுவனத்தின் 4ஜி நெட்வொர்க் ஆனது இரு மடங்காக அதிகரித்துள்ளது.

அதாவது கடந்த 2017 செப்டம்பரில் 3.81 லட்சம் என்கிற 4G base transceiver stations-களில் இருந்து (BTS) இந்த 2019 ஜூன் மாதத்தில் 7.46 லட்சம் பிடிஎஸ்-களாக வளர்ந்துள்ளது.

JioFiber vs Airtel V-Fiber: எது குறைந்த விலைக்கு நிறைய நன்மைகளை தருகிறது?

ஏர்டெல் நிறுவனத்தின் சுமாரான வளர்ச்சி!

மறுகையில் உள்ள ஏர்டெல் நிறுவனத்தின் 4 ஜி நெட்வொர்க் ஆனது 97,130 பி.டி.எஸ்ஸிலிருந்து 3.26 லட்சம் பி.டி.எஸ் ஆக மட்டுமே வளர்ந்துள்ளது.

வோடபோன் ஐடியாவின் 4ஜி நெட்வொர்க் நிலை?

வோடபோன் ஐடியா நிறுவனமானது 4ஜி சேவைகளுக்குப் பயன்படுத்தக்கூடிய ஸ்பெக்ட்ரமின் மிக உயர்ந்த அளவைக் கொண்டுள்ளது, ரிலையன்ஸ் ஜியோவின் 1.5 மடங்கை கொண்டுள்ளது. இருந்தாலும் கூட அதன் 4ஜி நெட்வொர்க் ஆனது 62 சதவீதம் மட்டுமே வளர்ந்தது.

ஒட்டுமொத்தமாக 4ஜி நெட்வொர்க்கின் நிலை என்ன?

ஒட்டுமொத்த வளர்ச்சியை பொறுத்தவரை, 4ஜி பேஸ் ஸ்டேஷன்கள் ஆனது கடந்த 2 ஆண்டுகளில் மட்டுமே 60 சதவீத வளர்ச்சியை கண்டுள்ளது. அதாவது இரண்டு ஆண்டுகளில் 5.91 லட்சத்திலிருந்து 12.55 லட்சமாக வளர்ந்துள்ளது.

2ஜி நெட்வொர்க்கின் நிலை என்ன?

மறுகையில் 2 ஜி நெட்வொர்க் ஆனது சுமார் 27 சதவீதம் குறைந்துள்ளது. அதாவது செப்டம்பர் 2017 இல் 6.61 லட்சம் பி.டி.எஸ்ஸிலிருந்து தற்போது 4.79 லட்சம் பி.டி.எஸ் ஆக குறைந்துள்ளது.

JioFiber vs Airtel vs Spectra: எது குறைந்த விலையில் சிறந்த 1 Gbps திட்டத்தை வழங்குகிறது?

3ஜி நெட்வொர்க்கின் நிலை என்ன?

இடையில் உள்ள 3ஜி அடிப்படை நிலையங்கள் ஆனதும் சரிவை கண்டுள்ளது. கடந்த 2019 ஜூன் மாதத்தையும், இந்த 2019 செப்டம்பரையும் ஒப்பிட்டால், 3.6 லட்சத்திலிருந்து 3.43 லட்சமாக குறைந்துள்ளதாக டிராய் அறிக்கை தெரிவித்துள்ளது.