ஜியோவில் புதிய வசதி. இனி ஈஸியா ரீசார்ஜ் செய்யலாம்!

ரிலையன்ஸ் ஜியோவில் தற்போது ‘ஜியோ சாரதி’ என்ற புதிய வசதி கொண்டு வரப்பட்டுள்ளது. இதன் மூலம் மை ஜியோ ஆப்-ல் எளிமையாக ரீசார்ஜ் செய்ய முடியும்.

இந்தியாவில் தொலைத்தொடர்பு சேவையில் அதிக சந்தாதாரர்களை கொண்ட நிறுவனங்களில், ஜியோ இரண்டாம் இடத்தில் உள்ளது. டிராய் அறிக்கையின்படி, மற்ற நிறுவனங்களைக் காட்டிலும் ஜியோவில் தான் இன்டர்நெட் வேகம் நன்றாக உள்ளது.

இந்த நிலையில், தற்போது ஜியோவில் ரீசார்ஜ் செய்வதற்கு ‘ஜியோ சாரதி’ என்ற புதிய வசதி கொண்டு வரப்பட்டுள்ளது. இது குரல் வழி சேவையாகும். பயனாளர்கள் மை ஜியோ ஆப்பில் நுழையும் போது, ஜியோ சாரதி என்ற உதவி ஐக்கான் திரையில் தோன்றும். அதனை க்ளிக் செய்தால், ரீசார்ஜ் எப்படி செய்ய வேண்டும் என்ற வழிமுறைகளை ஒவ்வொரு படிப்படியாக விளக்கிச் சொல்லும்.

புதிதாக ஜியோ சந்தாதாரர்களாக மாறுபவர்கள், எப்படி ரீசார்ஜ் செய்ய வேண்டும் என்பதை இதன் மூலம் வெகு சுலபமாக தெரிந்து கொள்ளலாம். தற்சமயம் ஆங்கிலம் மற்றும் ஹிந்தி, ஆகிய இரண்டு மொழிகளில் மட்டும் கொண்டு வரப்பட்டுள்ளது. விரைவில் மற்ற மொழிகளிலும் பயன்படுத்தும் வகையில் அறிமுகம் செய்யப்படும்.

Also Read This:

• இப்படியொரு Google App இருப்பது இத்தனை நாளாய் தெரியாம போச்சே!
• 20 பேரின் உயிரை காப்பாற்றிய சாம்சங் ஸ்மார்ட்போன்!
• எச்சரிக்கை.. இந்த ஸ்மார்ட்போன்களை மட்டும் வாங்காதீங்க..!