1 வருட டிஸ்னி+ ஹாட்ஸ்டார் சந்தா முற்றிலும் இலவசம்; ஜியோ அதிரடி அறிவிப்பு!

முகேஷ் அம்பானி தலைமையிலான ரிலையன்ஸ் ஜியோ ஒரு அட்டகாசமான சலுகை 'டீஸ்' செய்யத்தொடங்கி உள்ளது. வெளியான டீஸரின்படி, ஒரு வருடத்திற்கான டிஸ்னி+ ஹாட்ஸ்டார் விஐபி சந்தாவை ஜியோ பயனர்கள் இலவசமாக பெற உள்ளார்கள்.

மும்பையை தளமாக கொண்ட ரிலையன்ஸ் ஜியோ நிறுவனம் கடந்த காலத்திலும் ஹாட்ஸ்டார் பிரீமியம் சந்தாக்களை வழங்கி வந்தது என்பது குறிப்பிடத்தக்கது. இருப்பினும், ஆண்டுக்கு ரூ.399 மதிப்புள்ள டிஸ்னி+ ஹாட்ஸ்டார் விஐபி சந்தாவை ஜியோ பயனர்கள் பெறவுள்ளது இதுவே முதல் முறையாகும்.

Facebook-ல் புதிய அம்சம்; தப்பா யூஸ் பண்ணிட்டா மொத்தமா Delete ஆகிடும்!

இந்த சந்தா பிரத்யேக ஹாட்ஸ்டார் ஸ்பெஷல்கள் மற்றும் கிரிக்கெட், பிரீமியர் லீக் மற்றும் ஃபார்முலா 1 உள்ளிட்ட நேரடி விளையாட்டுகளுடன் டிஸ்னி நிகழ்ச்சிகள், திரைப்படங்கள் மற்றும் கிட்ஸ் உள்ளடக்கத்திற்கான அணுகலைக் கொண்டுவரும்.

ஜியோ நிறுவனத்தின் அதிகாரப்பூர்வ தளத்தின்படி, டிஸ்னி+ ஹாட்ஸ்டார் விஐபி சந்தாவை ஒரு வருடத்திற்கு வழங்க உள்ளது. எவ்வாறாயினும், இது தொகுக்கப்பட்ட, அதாவது குறிப்புட்ட திட்டத்தின் கீழ் கிடைக்கும் இலவச நன்மையாக மட்டுப்படுத்தப்படுமா என்பதில் தெளிவு இல்லை. சலுகையின் வெளியீட்டு தேதியைப் பற்றியும் ஜியோ நிறுவனம் எந்த விவரங்களையும் வழங்கவில்லை. வெளியான டீஸர் பேனரில் இந்த இலவச சந்தா "கூடிய விரைவில் வரும்” என்று மட்டுமே குறிப்பிடப்பட்டுள்ளது.

முன்னரே குறிப்பிட்டபடி டிஸ்னி+ ஹாட்ஸ்டார் விஐபி சந்தாவானத்து இந்திய தொலைக்காட்சி நிகழ்ச்சிகளின் சமீபத்திய எபிசோட்களை தினமும் காலை 6 மணிக்கு வழங்குகிறது. புதிய இந்திய திரைப்பட பிரீமியர்ஸ், டிஸ்னி+ உள்ளடக்கம் மற்றும் பிரத்யேக ஹாட்ஸ்டார் ஸ்பெஷல்களும் இதில் அடங்கும். லைவ் ஸ்போர்ட்ஸ்களுக்கான அணுகலையும் பெறுவீர்கள்.

இது ஏர்டெலை எதிர்கொள்ளும் ஜியோவின் மற்றொரு நடவடிக்கையா?

கடந்த மாதம் ஏர்டெல் ஒரு வருடத்திற்கு டிஸ்னி+ ஹாட்ஸ்டார் விஐபி சந்தாவை வழங்கும் ரூ.401 ப்ரீபெய்ட் ரீசார்ஜ் திட்டத்தை அறிமுகம் செய்தது. இந்த திட்டத்தில் 3 ஜிபி அளவிலான அதிவேக டேட்டா ஒதுக்கீடும் உள்ளது. இந்த திட்டம் ரீசார்ஜ் செய்த நாளில் இருந்து 28 நாட்கள் செல்லுபடியாகும்.

ஜியோ நிறுவனமும் தனது ப்ரீபெய்ட் வாடிக்கையாளர்களுக்கு இதேபோன்ற டிஸ்னி+ ஹாட்ஸ்டார் விஐபி சலுகைகளை வழங்குவதன் மூலம் ஏர்டெல் நிறுவனத்துடன் போட்டிபோட விரும்புகிறது என்பது தெளிவாகத் தெரிகிறது.

ஜூன் 17-க்கு முன்பே நீங்க வேற போன் ஆர்டர் பண்ணிட்டா.. நாங்க பொறுப்பில்ல!

முன்னரே குறிப்பிடப்படி ஜியோ கடந்த காலங்களிலும் ஹாட்ஸ்டார் பிரீமியம் சந்தாக்களை இலவசமாக வழங்கியது. 2016 ஆம் ஆண்டில், ஜியோ பிளே வழியாக அதன் சந்தாதாரர்களுக்கு ஹாட்ஸ்டார் பிரீமியம் சந்தாவை வழங்கியதாகவும் கூறப்படுகிறது. ஜியோ ஃபைபர் பயனர்கள் சமீபத்தில் ஜியோ டிவி+ சேவையின் மூலம் டிஸ்னி+ ஹாட்ஸ்டார் பிரீமியம் சந்தாவையும் பெற்றனர் என்பதும் இங்கே குறிப்பிடத்தக்கது.