நஷ்டத்தை சந்தோஷமாக அறிவித்த ஜியோ

ரிலையன்ஸ் ஜியோ வாடிக்கையாளர்கள் 10 GB அளவிற்கு மாதம் தோறும் இன்டர்நெட்டை பயன்படுத்துவதாக அந்நிறுவனம் தெரிவித்துள்ளது.

ரிலையன்ஸ் ஜியோ இலவச சேவையில் தொடங்கி தற்போது குறைந்த விலையில் 4G டேட்டா, இலவச வாய்ஸ் கால், எஸ்எம்எஸ் போன்றவற்றை அளித்து வருகிறது. இத்துடன் ஜியோ போன் விற்பனையிலும் சாதித்துள்ள அந்நிறுவனத்திற்கு வாடிக்கையாளர்கள் எண்ணிக்கை நாளுக்கு நாள் பெருகிக்கொண்டே போகிறது.

இந்நிலையில் ஜியோ புதிதாக வெளியிட்டுள்ள கடந்த செப்டம்பர் 30ஆம் வரைக்குமான அறிக்கையில், அதன் வாடிக்கையாளர் எண்ணிக்கை 136.8 மில்லியனை எட்டிவிட்டதாக கூறப்பட்டுள்ளது. கடந்த மூன்று மாதங்களில் மட்டும் 14.3 மில்லியன் வாடிக்கையாளர்கள் புதிதாக ஜியோவில் இணைந்துள்ளனர்.

ஜியோ சேவை தொடங்கிப்பட்டது முதல் 374 கோடி GB டேட்டாவை ஜியோ வாடிக்கையாளர்கள் காலி செய்துவிட்டார்கள். ஜியோ வாடிக்கையாளர்கள் ஒவ்வொருவரும் சராசரியாக மாதம் தோறும் 9.62GB டேட்டாவை பயன்படுத்துகிறார்கள் என்று தெரிவிக்கப்பட்டுள்ளது.

சமீபத்திய காலாண்டில் இந்தியா முழுவதும் 27 மில்லியன் LTE ஸ்மார்ட்போன்கள் விற்பனையாகியுள்ளன என்றும் இந்த அறிக்கை தெரிவிக்கிறது.

ரூ.271 கோடி நஷ்டம் அடைந்தபோதும் ஜியோ நிறுவனம் முன்னேறிக்கொண்டிருப்பதாகவே இந்த அறிக்கை குறிப்பிடுகிறது!