ஜியோவின் அடுத்த அதிரடி ஆஃபர்: அதிர்ச்சியில் டெலிகாம் நிறுவனங்கள்!

ரிலையன்ஸ் ஜியோ நிறுவனம் புதிதாக அறிவித்துள்ள சலுகையால் மற்ற போட்டி நிறுவனங்களான ஏர்டெல், வோடபோன் மற்றும் ஐடியா போன்றவை மிகுந்த பாதிப்புக்கு உள்ளாகி உள்ளன.

ரிலையன்ஸ் ஜியோ நிறுவனம் புதிதாக ரூ.98 மதிப்புள்ள டேட்டா பேக்கை அறிமுகப்படுத்தியுள்ளது. இதன் மூலம், 28 நாட்களுக்கு 2ஜிபி 4ஜி இன்டர்நெட்டும், இலவச அழைப்பு வசதியும் கிடைக்கும்.

இந்தப் புதிய சலுகை பண செலவினத்தைக் குறைக்கும் என்பதால், அன்றாட வெகுஜன மக்களை கவரும் என எதிர்பார்க்கப்படுகிறது.28 நாட்களுக்கு இலவச போன் கால் வசதி உள்ளதால் இதை பெரும்பாலான மக்கள் வாங்குவார்கள் என்று கூறப்படுகிறது.

இதனால் ஏர்டெல், வோடபோன், ஐடியா போன்ற செல்லுலார் நிறுவனங்கள் அதிகப் பாதிப்புக்கு உள்ளாகும் என எதிர்பார்க்கப்படுகிறது. ஏற்கனவே அறிவித்த ஜியோவின் சலுகைகளால் பெருமளவில் நட்டமடைந்த இந்நிறுவனங்கள், இந்த அறிவிப்பால் மேலும் அச்சத்தில் உள்ளன.