இஸ்ரோ தலைவர்: தமிழகத்தைச் சேர்ந்த கே.சிவன் நியமனம்!

இஸ்ரோ தலைவராக தமிழகத்தைச் சேர்ந்த கே.சிவன் நியமிக்கப்பட்டுள்ளார்.

இந்திய விண்வெளி ஆராய்ச்சி மையத்தின் தலைவராக இருந்து வருபவர் கிரண் குமார். இவர் ஓய்வு பெறுவதையடுத்து, தமிழகத்தைச் சேர்ந்த கே.சிவன் நியமிக்கப்பட்டுள்ளார். தற்போது, இவர் விக்ரம் சாராபாய் விண்வெளி மையத்தின் இயக்குனராக இருந்து வருகிறார்.

K Sivan has been appointed new Chairman of Indian Space Research Organisation (ISRO). pic.twitter.com/B2POKGXeFa — ANI (@ANI) January 10, 2018 இந்த நிலையில், இந்திய விண்வெளி ஆராய்ச்சி மையத்தின் தலைவர் பதவிக்கு தேர்வு செய்யப்பட்ட சிவன்-க்கு மத்திய அமைச்சரவையின் நியமனக் கமிட்டி ஒப்புதல் அளித்தது. இதைத் தொடர்ந்து சிவன் நியமனத்தை மத்திய அரசு அறிவித்துள்ளது. இந்திய விண்வெளி ஆராய்ச்சி மையத்தின் தலைவராக புதிதாக நியமனம் செய்யப்பட்டுள்ள சிவன் 3 ஆண்டுகாலத்திற்கு பதவி வகிப்பார். இவர், கடந்த 1980ம் ஆண்டு சென்னை எம்.ஐ.டியில் ஏரோநாட்டிக்கல் என்ஜினியரிங் படிப்பை முடித்துள்ளார். பெங்களூர் ஐ.ஐ.எஸ்.சியில் ஏரோஸ்பேஸ் என்ஜீனியரிங்கில் முதுநிலை படிப்பை முடித்தார்.

அதன் பின்னர் 2006ம் ஆண்டு மும்பையில் உள்ள ஐஐடியில் ஏரோஸ்பேஸ் என்ஜீனியரிங்கில் பி.எச்.டி ஆய்வையும் முடித்தார். இஸ்ரோவில் 1982ம் ஆண்டு பணியில் சேர்ந்தார் என்பது குறிப்பிடத்தக்கது.