வெறும் ரூ.6,888 க்கு அறிமுகமான லேடீஸ்-ஸ்பெஷல் லாவா ஸ்மார்ட்போன்!

லாவா தனது லேட்டஸ்ட் பட்ஜெட் ஸ்மார்ட்போனான லாவா பீயூ ஆண்ட்ராய்டு கோ எடிஷனை அறிமுகம் செய்துள்ளது. லாவா பீயு ஸ்மார்ட்போனின் விலை ரூ.6,888 என்று நிர்ணயம் செய்யப்பட்டுள்ளது மற்றும் இது பெண்களை மையமாகக் கொண்ட ஒரு ஸ்மார்ட்போனாகும் என்பதும் குறிப்பிடத்தக்கது.

108MP Camera Phone : ஜனவரி 5-இல் இந்தியாவில் அறிமுகமாகும் வேற லெவல் Mi போன்!

லாவா பீயு பெண்களின் தேவைகளை மனதில் வைத்து வடிவமைக்கப்பட்டுள்ளது. இந்த ஸ்மார்ட்போன் கிளாசிக் டிசைன், டயமண்ட்-ஸ்டடட் கேமரா மற்றும் உள்ளமைக்கப்பட்ட (இன்-பில்ட்) சேஃப்டி ஆப் உடன் வருகிறது, அது மிகவும் விளக்கமான டூடோரியல்களை வழங்குவதோடு சேர்த்து உங்களுக்கு பாதுகாப்பையும் வழங்குகிறது.

லாவா பீயூ ஸ்மார்ட்போனின் அம்சங்கள் மற்றும் விவரக்குறிப்புகள்:

லாவா பீயூ ஸ்மார்ட்போன் ஆனது 6.08 இன்ச் அளவிலான எச்டி + டிஸ்ப்ளேவுடன் வருகிறது. அது 1560 x 720 பிக்சல்கள் தெளிவுத்திறன் மற்றும் 19.5: 9 என்கிற அளவிலான திரை விகிதத்துடன் வருகிறது.

Best Smartphones 2020 : நீங்க நினைச்சு கூட பார்க்காத போன்கள் இந்த லிஸ்ட்ல இருக்கு!

இந்த ஸ்மார்ட்போன் IMG8322 GPU உடன் 1.6GHz ஆக்டா கோர் ப்ராசஸர் மூலம் இயக்கப்படுகிறது. இந்த ஸ்மார்ட்போனில் 2 ஜிபி ரேம் மற்றும் 32 ஜிபி இன்டர்னல் ஸ்டோரேஜ் உள்ளது. மைக்ரோ எஸ்.டி கார்டு ஸ்லாட் வழியாக ஸ்டோரேஜை 256 ஜிபி வரை விரிவாக்கம் செய்யும் ஆதரவும் உண்டு.

கேமராக்களை பொறுத்தவரை, லாவா பீயூ ஸ்மார்ட்போன் ஆனது 13 மெகாபிக்சல் மெயின் கேமரா (எஃப் / 1.85 லென்ஸ்) + 2 மெகாபிக்சல் டெப்த் சென்சார் உடன் எல்இடி ஃபிளாஷ் என்கிற டூயல் ரியர் கேமரா அமைப்பை கொண்டுள்ளது. முன்பக்கத்தை பொறுத்தவரை, இதில் எஃப் / 2.2 லென்ஸ் கொண்ட 8 மெகாபிக்சல் செல்பீ கேமரா உள்ளது.

இதன் பெயர் குறிப்பிடுவது போலவே லாவா பீயூ ஸ்மார்ட்போன் ஆண்ட்ராய்டு 10 கோ ஓஎஸ் (இயக்க முறைமையில்) இயங்குகிறது. இது 4060 எம்ஏஎச் நீக்கக்கூடிய பேட்டரியுடன் வருகிறது. ஸ்மார்ட்போனின் பின்புறத்தில் கைரேகை சென்சாரும் உள்ளது.

இணைப்பு விருப்பங்களை பொறுத்தவரை, அதாவது கனெக்டிவிட்டிஸ்களை பொறுத்தவரை, இது4G VoLTE, Wi-Fi 802.11 b / g / n, ப்ளூடூத் 4.2, GPS, GLONASS, டூயல் சிம் மற்றும் மைக்ரோ யூ.எஸ்.பி போர்ட்டை ஆதரிக்கிறது.