வெறும் ரூ.4,000க்கு 5 இஞ்ச் டிஸ்பிளே; அசத்தும் லாவா Z60s ஸ்மார்ட்போன்!

சென்னை: உள்நாட்டு ஸ்மார்ட்போன் தயாரிப்பு நிறுவனமான லாவா, இந்தியாவில் தனது விற்பனைப் பட்டியலை விரிவாக்க முடிவு செய்துள்ளது.

லாவா ஸ்மார்ட்போன் நிறுவனம் Z60s என்ற புதிய ஸ்மார்ட்போனை அறிமுகம் செய்துள்ளது. இது முந்தைய லாவா Z60 மாடலின் அடுத்தக்கட்ட மாடலாகும். இதன் விலை வெறும் ரூ.4,949 ஆகும். கோல்ட் மற்றும் கருப்பு வண்ணங்களில் விற்பனைக்கு கிடைக்கிறது.

லாவா Z60s சிறப்பம்சங்கள்:

இந்த ஸ்மார்ட்போனில் 5 இஞ்ச் HD IPS 2.5D கர்வ்டு ஸ்கிரீன் உள்ளது. மேலும் 1.5 GHz குவாட்-கோர் பிராசசர் மற்றும் 1ஜிபி ரேம் உள்ளிட்ட வசதிகள் இடம்பெற்றுள்ளன. உள்ளடக்க மெமரி 16 ஜிபி இருக்கிறது.

லாவா Z60s மாடலில் 5 மெகா பிக்சல் ஆட்டோ போகஸ் பின்பக்க கேமரா மற்றும் முன்பக்க 5 மெகா பிக்சல் செல்பி ஷூட்டர் காணப்படுகிறது. இரு கேமராக்களிலும் பொகி மோட் மற்றும் பிளாஷ் அமைந்துள்ளது.

லாவா Z60s ஸ்மார்ட்போன் ஆண்ட்ராய்டு 8.1 ஓரியோ இயங்குதளத்தில் செயல்படுகிறது. வெறும் 8.5 மிமீ தடிமனுடன் மெல்லிய ஸ்மார்ட்போன் என்ற பெருமையையும் பெற்றுள்ளது. இது 2,500 mAh லித்தியம்-பாலிமர் பேட்டரி இருக்கிறது.

வரும் நவம்பர் 15ஆம் தேதிக்கு முன்பாக வாங்குவோருக்கு, ஒருமுறை இலவச ஸ்கிரீன் மாற்றம் செய்து கொள்ளும் வசதி கிடைக்கிறது.

Lava Z60s with 5-inch HD display launched at Rs 4,949.