iPhone 2020: ஐபோன் SE 2 அல்லது iPhone 9 எப்போது அறிமுகமாகும்? என்னென்ன அம்சங்களை கொண்டிருக்கும்?

ஆப்பிள் நிறுவனத்திடம் இருந்து மிகவும் எதிர்பார்க்கப்படும் "வாரிசு சாதனமான" ஐபோன் எஸ்இ 2 அல்லது ஐபோன் 9 ஆனது நிச்சயமாக இந்த 2020 ஆம் ஆண்டில் அறிமுகம் ஆகும் என்பது அனைவருக்கும் தெரிந்த விடயம் தான். ஆனால் தெரியாத விடயம் என்னவென்றால், அது துல்லியமாக எந்த மாதத்தில் வெளியாகும் என்பது தான், தற்போது அந்த குறையும் தீர்ந்துள்ளது.

முன்னதாக, ஐபோன் எஸ்இ 2 அல்லது ஐபோன் 9 அந்த சோதனை தயாரிப்பிற்குள் நுழைந்துள்ளதாக தகவல்கள் வெளியாகின. பின்னர் ஐபோன் 9 அல்லது ஐபோன் எஸ்இ 2 ஆனது 2020 ஆம் ஆண்டின் முதல் காலாண்டில் அறிமுகத்தை சந்திக்கலாம் என்று பல அறிக்கைகள் கோரியுள்ளன.

Oneplus 8 மற்றும் OnePlus 8 Pro-வின் இந்திய விலை நிர்ணயம் இவ்ளோதானா?

இப்போது, நம்பகமான ஒரு மூலத்திலிருந்து வரும் புதிய லீக் தகவலின்படி, ஆப்பிள் ஐபோன் எஸ்இ 2 ஆனது மார்ச் மாதத்தின் இரண்டாம் வாரத்தில் அறிமுகப்படுத்தும். இந்த இடத்தில், ஐபோன் எஸ்இ 2-ன் முன்னோடியான ஐபோன் எஸ்இ ஆனது 2016 ஆம் ஆண்டு மார்ச் மாதத்தில் தான் அறிமுகமானது என்பதை குறிப்பிட விரும்புகிறோம்.

@Evleaks என்ற பயனர்பெயரை கொண்டிருக்கும்டிப்ஸ்டர் இவான் பிளாஸ், ஒரு ட்வீட் மூலம் ஐபோன் SE 2 அல்லது ஐபோன் 9 ஆனது மார்ச் நடுப்பகுதியில் அறிமுகப்படுத்தப்படும் என்கிற தகவலை நம்முடன் பகிர்ந்துள்ளார்.

Motorola 2020: மோட்டோ ஜி ஸ்டைலஸ் & மோட்டோ ஜி பவர் அறிமுகம்; விலை & அம்சங்கள்!

இந்த மாத தொடக்கத்தில் வெளிவந்த மற்றொரு அறிக்கையில், ஆப்பிள் ஐபோன் எஸ்இ-யின் வாரிசு ஆனது மார்ச் மாத வெளியீட்டை இலக்காகக் கொண்டுள்ளது என்றும், சீனாவில் அது சார்ந்த சோதனை உற்பத்தியை தொடங்கியுள்ளதாகவும் கூறப்பட்டுள்ளது.

தற்காலிகமாக ஐபோன் எஸ்இ 2 என அழைக்கப்படும் இந்த புதிய ஐபோன் சாதனம் ஆனது மேம்படுத்தப்பட்ட இன்டர்னல்கள் கொண்ட ஐபோன் 8 போலவே தோற்றமளிக்கும் என்றும், எனவே அது ஐபோன் 9 என்கிற பெயரின் கீழ் அழைக்கப்படும் என்றும் கூறப்படுகிறது.

ஆக, இந்த ஆப்பிள் ஐபோன் 9 ஆனது டச் ஐடி கைரேகை சென்சாரைத் தக்க வைத்துக் கொள்ளும் என்றும் 4.7 இன்ச் அளவிலான ஐபிஎஸ் எல்சிடி ரெடினா டிஸ்ப்ளேவை கொண்டிருக்கும் என்றும் நம்பலாம்.

Google 2020: கடைசியா கூகுளையும் "இதை" செய்ய வச்சிடீங்களே! ஆகமொத்தம் நமக்கு பணம் மிச்சம்!

தவிர இது A13 பயோனிக் சிப் மூலம் சக்தியூட்டப்படலாம். கேமராவை பொறுத்தவரை, புதிய ஆப்பிள் ஐபோன் 9 ஆனது ஒற்றை பின்புற கேமராவை கொண்டிருக்கும் என்று கூறப்படுகிறது. இந்நேரத்தில, இதன் தெளிவுத்திறன் மற்றும் கேமரா திறன்களைப் பற்றிய விவரங்கள் எதுவும் எங்களுக்கு கிடைக்கவில்லை.