இதை ஒரு எல்ஜி போன்னு சொன்னாலே நம்ப முடியல! இதுல மிட்-ரேன்ஞ் விலை வேற!

திடீரென்று அடுத்தடுத்த ஸ்மார்ட்போன்களை அறிவித்த வண்ணம் உள்ள எல்ஜி நிறுவனம் அதன் LG Q51 எனும் புதிய மிட்-பட்ஜெட் ஸ்மார்ட்போனை அறிமுகம் செய்துள்ளது.

இந்த ஸ்மார்ட்போன் இந்திய மதிப்பின்படி தோராயமாக ரூ.18,757 என்கிற விலை நிர்ணயத்தை பெற்றுள்ளது. இந்த ஸ்மார்ட்போன் மூன்லைட் டைட்டானியம் மற்றும் ப்ரோஸன் வைட் என்கிற இரண்டு வண்ண விருப்பங்களில் வாங்க கிடைக்கும் கிடைக்கிறது.

அம்சங்களை பொறுத்தவபாய் எல்ஜி க்யூ51 ஆனது 6.5 இன்ச் அளவிலான எச்டி+ ஐபிஎஸ் ஃபுல்விஷன் டிஸ்ப்ளேவை கொண்டுள்ளது. இது 1520 x 720 பிக்சல்கள் அளவிலான ஸ்க்ரீன் ரெசல்யூஷனுடன் ஏற்றப்பட்டுள்ளது.

6000mAh பேட்டரி, 64MP க்வாட் கேம் கொண்ட இந்த "முரட்டுத்தனமான" சாம்சங் போனின் விலை இவ்ளோதானா?

மேலும் இந்த ஸ்மார்ட்போன் 2.0GHz ஆக்டா கோர் ப்ராசஸர் மூலம் இயக்கப்படுகிறது, இது க்வால்காமா அல்லது மீடியா டெக் சிப்செட்டா என்பது பற்றிய போதுமான விவரங்கள் இல்லை. இந்த ஸ்மார்ட்போன் 3 ஜிபி ரேம் மற்றும் 32 ஜிபி இன்டர்னல் ஸ்டோரேஜுடன் வருகிறது, இது மெமரி விரிவாக்கத்திற்கான மைக்ரோ எஸ்டி கார்டு ஸ்லாட்டையும் கொண்டுள்ளது.

கேமராத்துறையை பொறுத்தவரை, எல்ஜி கியூ 51 ஆனது 13 மெகாபிக்சல் முதன்மை லென்ஸ் + 5 மெகாபிக்சல் அளவிலான அல்ட்ரா-வைட்-ஆங்கிள் லென்ஸ் மற்றும் 2 மெகாபிக்சல் அளவிலான டெப்த் சென்சார் எனும் ட்ரிபிள் ரியர் கேமரா அமைப்பை பெற்றுள்ளது.

முன்பக்கத்தைப் பொறுத்தவரை, செல்பீக்கள் மற்றும் வீடியோ அழைப்புகளுக்காக ஒரு 13 மெகாபிக்சல் கேமராவை கொண்டுள்ளது. இதன் கேமரா தொகுதிக்கு கீழே கைரேகை சென்சார் உள்ளது. இந்த ஸ்மார்ட்போன் இது ஒரு பிரத்யேக Google அசிஸ்டென்ட் பட்டனை கொண்டுள்ளது.

5G ஆதரவுடன் iQoo 3 அறிமுகம்; நேற்று விற்பனைக்கு வந்த ரியல்மி X50 ப்ரோவிற்கு இன்றே ஆப்பு!

ஆண்ட்ராய்டு 10 அடிப்படையிலான நிறுவனத்தின் சொந்தகஸ்டம் UI கொண்டு இயங்கும் இந்த புதிய எல்ஜி ஸ்மார்ட்போனின் மொத்த அமைப்பும் ஒரு 4,000 எம்ஏஎச் பேட்டரி மூலம் சக்தியூட்டப்படுகிறது.

ஆடியோவைப் பொறுத்தவரை, இது டி.டி.எஸ்: எக்ஸ் 7.1 சேனல் சவுண்ட் சிஸ்டத்துடன் பொருத்தப்பட்டுள்ளது. எல்ஜி கியூ 51 ஆனது மில்-எஸ்.டி.டி -810 ஜி சான்றிதழோடு வருகிறது என்றும் நிறுவனம் தெரிவித்துள்ளது.

இணைப்பு விருப்பங்களை பொறுத்தவரை, இது 4G VoLTE, NFC, USB Type-C போர்ட், ஜிபிஎஸ், க்ளோனாஸ் மற்றும் டூயல் சிம் ஸ்லாட் போன்றவைகளை கொண்டுள்ளது அளவீட்டில் 164.5 x 77.5 x 8.4 மிமீ உள்ள இந்த ஸ்மார்ட்போனின் இந்திய விற்பனை பற்றிய தகவல்கள் எதுவும் கிடைக்கவில்லை. மேலும் இதுபோன்ற புதிய அறிமுகம், விமர்சனம், டெக் டிப்ஸ் மற்றும் டெக் அப்டேட்களுக்கு சமயம் தமிழ் வலைதளத்தின் டெக் பிரிவை பின்தொடரவும்.