Mi அடுத்த தயாரிப்பு! வந்து விட்டது புதிய ட்ரிம்மர்!!

எலக்டரானிக்ஸ் பொருட்கள் தயாரிப்பில் முன்னனி நிறுவனமான எம்ஐ, தற்போது புதிதாக டிரிம்மர் ஒன்றை அறிமுகம் செய்துள்ளது. இதன் விலை மற்றும் சிறப்பம்சங்கள் குறித்த விபரங்களை இங்கு காணலாம்.

ஸ்மார்ட்போன், ஸ்மார்ட் டிவி, எலக்ட்ரானிக்ஸ் கேட்ஜெட் என பல்வேறு தயாரிப்புகளை எம்ஐ நிறுவனம் கச்சிதமாக தயாரித்து விற்பனை செய்து வருகிறது. லேட்டா வந்தாலும் லேட்டஸ்டா வரனும் என்பது போல, மெதுவாக வந்தாலும், சாம்சங், நோக்கியா என மொத்த நிறுவனங்களுக்கும் போட்டியாக தற்போது சியோமி உள்ளது.

இந்நிலையில், எம்.ஐ நிறுவனம் புதிதாக ட்ரிம்மர் ஒன்றை அறிமுகம் செய்துள்ளது. இதற்கு Mi Beard Trimmer என்று பெயரிடப்பட்டுள்ளது. இதுவரையில், பிலிப்ஸ், பேனாசோனிக் நிறுவனங்கள் தான் ட்ரிம்மர் தயாரிப்பில் முன்னனி இடத்தில் இருந்து வந்தது. அதற்குப் போட்டியாக எம்ஐ ட்ரிம்மர் அமைகிறது.

இதில் உள்ள பிளேட் கூர்மையான இருந்தாலும், சருமத்திற்கு எந்த பாதிப்பும் ஏற்படாதவாறு ட்ரிம் செய்கிறது. மேலும், பிளேடை சுற்றிலும் பாதுகாப்பு கவசம் உள்ளதால், கரடுமுரடாக இல்லாமல், சருமத்தை தொடும் போது நல்ல மென்மையாக உள்ளது. 0.5mm அளவு வித்தியாசத்தில் மொத்தம் 40 செட்டிங்ஸ் வரையில் ட்ரிம்மரை வைத்துக் கொள்ள முடியும்.

சாதாரண ட்ரிம்மர் சார்ஜ் ஏற்ற வேண்டுமென்றால், நீண்ட நேரம் சார்ஜ் போட வேண்டும். ஆனால், எம்.ஐ ட்ரிம்மரில், 5 நிமிடம் சார்ஜ் போட்டால் போதும். 10 நிமிடம் வரையில் எந்த இடர்பாடும் இல்லாமல் இயங்கும். மேலும், சார்ஜ் எவ்வளவு உள்ள என்பதை காட்டும் வகையில் இண்டிகேட்டரும் வைக்கப்பட்டுள்ளது.

இத்துடன் டிராவல் பவுச் ஒன்றும் வழங்கப்படுகிறது. ட்ரிம்மரில் கூடுதலாக சேப்டி லாக் வசதியும் ஏற்படுத்தப்பட்டுள்ளது. இதன் விலை 1,199 ரூபாய் என்று நிர்ணயிக்கப்பட்டுள்ளது. எதிர்வரும் காலத்தில் சலுகை விலையில் வழங்கப்படலாம் என்று எதிர்பார்க்கப்படுகிறது