சீன மொபைல்களுக்கு "எதிரான" Micromax In Series; நவம்பர் 3-இல் அறிமுகம்!

மைக்ரோமேக்ஸ் தனது புதிய ‘இன்’ தொடர் ஸ்மார்ட்போன்களை நவம்பர் 3 ஆம் தேதி மதியம் 12 மணிக்கு (நண்பகல்) அறிமுகப்படுத்தும் என்று அறிவித்துள்ளது. இந்நிறுவனம் தனது ‘சீனி கம்’ குறிக்கோளுடன் ஒரு சிறிய வீடியோவையும் பகிர்ந்துள்ளது மற்றும் புதிய ‘இன்’ தொடர் ஸ்மார்ட்போன்கள் ஆனது உங்கள் வாழ்க்கையில் சில “மசாலாவை” சேர்க்கும் என்றும் குறிப்பிட்டுள்ளது.

அதிரடி ஆபர்களுடன் இந்தியாவில் ஐபோன் 12, 12 ரோ ப்ரீ-ஆர்டர் தொடக்கம்!

இந்த வீடியோ வரவிருக்கும் ஸ்மார்ட்போன்களை பற்றிய எந்த தகவலையும் பகிர்ந்து கொள்ளவில்லை. அது குறிப்பிட்ட ஸ்மார்ட்போனின் வெளியீட்டு தேதி மற்றும் ‘ஆவோ கரீன் சீனி கும்’ (வாருங்கள் சர்க்கரையை குறைப்போம்) என்ற செய்தியை மட்டுமே வெளிப்படுத்துகிறது.

தூக்கி அடிக்கும் விலை & அம்சங்களுடன் Huawei Mate 40 தொடர் அறிமுகம்!

கடந்த வாரம், மைக்ரோமேக்ஸ் நிறுவனம் அதன் இன் தொடர் ஸ்மார்ட்போன்களின் ரீடெயில் பேக்கேஜிங்கை வெளிப்படுத்தும் வீடியோவை ட்விட்டரில் பகிர்ந்தது என்பதும் இங்கே குறிப்பிடத்தக்கது.

புதிய ‘இன்’ தொடர் ஸ்மார்ட்போன்கள் நவம்பர் 3 ஆம் தேதி மதியம் 12 மணிக்கு (நண்பகல்) இந்தியாவில் அறிமுகப்படுத்தப்படும் என்று மைக்ரோமேக்ஸ் ஒரு குறுகிய வீடியோ மூலம் வெளிப்படுத்தியுள்ளது. இதுவொரு மெய்நிகர் நிகழ்வாக இருக்கலாம். மேலும் அது எங்கு லைவ்ஸ்ட்ரீம் செய்யப்படும் என்பது தற்போது தெளிவாகத் தெரியவில்லை.

வரவிருக்கும் இந்த புதிய மைக்ரோமேக்ஸ் ஸ்மார்ட்போன்களை பற்றிய போதுமான விவரங்கள் இல்லை என்றாலும் கூட இது ரூ.7,000 முதல் மற்றும் ரூ.25,000 க்குள் என்கிற விலைப்புள்ளிக்குள் வெளியாகலாம் என்று கேஜெட்ஸ் 360 வலைத்தளம் குறிப்பிட்டுள்ளது.

இந்தியா-சீனா பதற்றத்திற்கு முன்னதாகவே நிறுவனம் அதன் ‘இன்’ தொடரின் வளர்ச்சியைத் தொடங்கியது என்றும், இந்த ஸ்மார்ட்போன் மாடலால் இந்தியாவில் தயாரிக்கப்பட்டுள்ளனஎன்றும் மைக்ரோமேக்ஸ் தரப்பில் கூறப்பட்டுள்ளது.

வரவிருக்கும் புதிய மைக்ரோமேக்ஸ் இன் சீரிஸ் மாடல்களில் எந்த ப்ளோட்வேர் மற்றும் விளம்பரங்களும் இருக்காது. "நாங்கள் உங்களை பற்றிய எந்த தரவையும் எடுக்கப் போவதில்லை, நாங்கள் அதை செய்யப் போவதில்லை" என்றும் மைக்ரோமேக்ஸ் தரப்பில் கூறப்பட்டுள்ளது.

தி மொபைல் இந்தியன் வெளியிட்டுள்ள அறிக்கையின்படி, இந்தத் தொடரில் இரண்டு ஸ்மார்ட்போன்கள் இருக்கும், அவை மீடியாடெக் ஹீலியோ ஜி 35 மற்றும் மீடியாடெக் ஹீலியோ ஜி 85 ப்ராசஸர்களால் இயக்கப்படும்.

ஹீலியோ ஜி 35 கொண்ட மாடலில் 6.5 இன்ச் எச்டி + டிஸ்ப்ளே, 3 ஜிபி ரேம் மற்றும் 32 ஜிபி ஸ்டோரேஜ் இருக்கும் என்று கூறப்படுகிறது. இது 5,000 எம்ஏஎச் பேட்டரி மூலம் சக்தியூட்டப்படலாம் மற்றும் டூயல் பின்புற கேமரா அமைப்பைக் கொண்டிருப்பதாகக் கூறப்படுகிறது. மறுகையில் உள்ள ஹீலியோ ஜி 85 மாடலானது ட்ரிபிள் ரியர் கேமரா அமைப்புடன் வரக்கூடும்.